Галоўны канкурэнт GitHub упаў амаль на 40% праз фінансавы прагноз
Каціроўкі GitLab паваліліся на 38% на постмаркеце ў панядзелак пасля абвяшчэння арыенціровачнай выручкі на 1 квартал і ўвесь 2023 фіскальны год: лічбы выявіліся ніжэйшымі за чаканні аналітыкаў, піша Bloomberg.
Хостынг праектаў з украінскімі каранямі плануе зарабіць за квартал $117-118 млн. Сярэдняя ацэнка аналітыкаў складала $126,7 млн. Гадавы даход, паводле прагнозаў кампаніі, складзе ў раёне $529-533 млн — значна менш за $587,3 млн, якія разлічвалі пачуць аналітыкі.
Спецыялісты Bloomberg Intelligence адзначаюць, што такі прагноз кажа пра значнае запаволенне росту GitLab, нават нягледзячы на рэзкае падаражанне тарыфаў сярэдняга ўзроўню.
Ад 3 красавіка цана плана Gitlab Premium вырасце з $19 да $29 за карыстальніка на месяц. Кампанія падняла расцэнкі ўпершыню больш як за пяць гадоў. Павышэнне закладзенае ў прагноз па выручцы.
На запаволенне росту GitLab паўплывала замарозка наймання і памяншэнне штату яго кліентамі, асабліва прэміяльнага плана, а таксама ўзмацненне кантролю над угодамі пры канцы каляндарнага года: у працэс ухвалення стала ўцягнута больш людзей, праз што павялічыўся цыкл продажаў.
Читать на dev.by