Галоўны навуковы супрацоўнік па штучным інтэлекце кампаніі Meta Ян Лекун назваў ключавыя якасці, якія вызначаюць інтэлектуальныя паводзіны людзей, але адсутнічаюць у сучасных мадэлях ШІ.
Галоўны навуковы супрацоўнік па штучным інтэлекце кампаніі Meta Ян Лекун назваў ключавыя якасці, якія вызначаюць інтэлектуальныя паводзіны людзей, але адсутнічаюць у сучасных мадэлях ШІ.
Паводле Лекуна, чатыры здольнасці адрозніваюць чалавечы інтэлект ад штучнага: разуменне фізічнага свету, наяўнасць пастаяннай памяці, здольнасць да разважанняў і планаванне складаных дзеянняў іерархічна. Лекун падкрэсліў, што сучасныя сістэмы ШІ не валодаюць гэтымі магчымасцямі і карыстаюцца часовымі рашэннямі для кампенсацыі.
«Каб зразумець фізічны свет, вы навучаеце асобную сістэму камп’ютарнага зроку і далучаеце яе да LLM. Каб дадаць памяць, вы выкарыстоўваеце RAG або далучаеце асацыятыўную памяць», — сказаў ён, маючы на ўвазе тэхналогію дадатковай генерацыі (Retrieval-Augmented Generation, RAG), распрацаваную Meta для паляпшэння вынікаў LLM за кошт знешніх крыніц ведаў. Аднак Лекун назваў гэтыя падыходы «хакерскімі» і недастатковымі для дасягнення сапраўднага інтэлекту.
Замест гэтага навуковец выступае за стварэнне «мадэляў свету», навучаных на рэальных сцэнарах дзеля дасягнення больш высокага ўзроўню пазнання. Гэтыя мадэлі прагназуюць, як дзеянні змяняюць стан свету, выкарыстоўваючы абстрактныя прадстаўленні, каб выключыць непрадказальныя дэталі. Мадэль Meta V-JEPA, прэзентаваная ў лютым гэтага года, ілюструе такі падыход: яна была навучана прадказваць адсутныя часткі відэа ў абстрактнай форме, імітуючы тое, як людзі ствараюць ментальныя іерархіі для разумення свету.
Ян Лекун, адзін з піянераў у галіне ШІ, з’яўляецца ключавой фігурай у развіцці сучасных нейронных сетак. У 2018 годзе ён атрымаў прэмію Ц’юрынга разам з Ёшуа Бенджыё і Джефры Хінтанам за іх наватарскую працу над глыбокім навучаннем, якое лягло ў аснову многіх сучасных тэхналогій ШІ. У 2013 годзе Лекун узначаліў новае падраздзяленне Facebook Artificial Intelligence Research (FAIR), якое пазней стала часткай Meta AI.
Рэлацыраваліся? Цяпер вы можаце каментаваць без верыфікацыі акаўнта.