Глабальны штат Flo вырас да 500 чалавек

— 500 супрацоўнікаў здаецца вялікай лічбай. Аднак жаночаму здароўю надаецца так мала ўвагі, што трэба будзе зрабіць вялікую працу.

У найбліжэйшыя тры гады мы плануем інвеставаць больш за 200 мільёнаў долараў, каб зрабіць наш прадукт значна карыснейшым для сотняў мільёнаў жанчын ва ўсім свеце, — напісаў Гурскі.

Афіцыйная штаб-кватэра Flo Health знаходзіцца ў Лондане. Найбуйнейшы офіс распрацоўкі Flo знаходзіцца ў Літве, дзе на гэты момант зарэгістраваныя 242 супрацоўнікі. 

Офіс у Вільні Flo адкрыла пры канцы 2020 года. А вясной 2022 імкліва рэлакавала туды мінскіх супрацоўнікаў. 

Увосень таго ж года яна запусціла працэдуру ліквідацыі юрыдычнай асобы ў Беларусі (да гэтага там змяніўся ўласнік: з амерыканскай кампаніі «Фло Хэлс, Інк», якая валодала 100% беларускай юрыдычнай асобы ад жніўня 2018 года, на фізасобу).

Раней Гурскі заяўляў, што ў Flo ўжо 70 млн актыўных карыстальнікаў на месяц (MAU). Гэта больш, чым насельніцтва такіх краін, як Вялікабрытанія, Францыя або Італія.

За апошнія 12+ месяцаў колькасць актыўных карыстальнікаў Flo павялічылася больш чым на 14 мільёнаў. Колькасць платных падпісчыкаў вырасла за год на 55% да 5 мільёнаў.