Google паказала абнаўленне для Gmail, якое спрашчае пошук інфармацыі ў лістах. Функцыя будзе аўтаматычна паказваць ключавыя даныя ў выніках пошуку або ў новым раздзеле «Неўзабаве адбудзецца».
Google паказала абнаўленне для Gmail, якое спрашчае пошук інфармацыі ў лістах. Функцыя будзе аўтаматычна паказваць ключавыя даныя ў выніках пошуку або ў новым раздзеле «Неўзабаве адбудзецца».
Уся інфармацыя з’явіцца ў выглядзе картак: гэта даныя пра пакупкі, мерапрыемствы, падарожжы, рахункі і г. д. Gmail аўтаматычна выме інфармацыю з лістоў і выведзе яе наверх.
Калі карыстальнік чакае дастаўку тавару, то картка пакажа дату прыбыцця пасылкі, пасля яе атрымання адлюструе спасылку на ўмовы вяртання. Пры чаканні рэйса пошта пакажа картку з данымі аб палёце і г. д.
У кампаніі падкрэслілі, што гэтае абнаўленне не звязанае са штучным інтэлектам Gemini і не выкарыстоўвае баз даных Google пра карыстальнікаў. Распрацоўшчыкі палепшылі алгарытмы паштовага сэрвісу, які цяпер эфектыўней разумее змесціва лістоў.
Функцыя абноўленых картак выйшла для асобных лістоў на Android і iOS, у найбліжэйшыя месяцы зводныя карткі з’явяцца ў раздзеле «Неўзабаве адбудзецца».
Рэлацыраваліся? Цяпер вы можаце каментаваць без верыфікацыі акаўнта.