Оксфардскі слоўнік англійскай мовы назваў выраз «brain rot» («разлажэнне мозга») словам 2024 года. Выбар быў зроблены на аснове адкрытага галасавання, у якім узяло ўдзел больш за 37 тысяч чалавек.
Оксфардскі слоўнік англійскай мовы назваў выраз «brain rot» («разлажэнне мозга») словам 2024 года. Выбар быў зроблены на аснове адкрытага галасавання, у якім узяло ўдзел больш за 37 тысяч чалавек.
«Brain rot» вызначаецца як «меркаванае пагаршэнне псіхічнага або інтэлектуальнага стану чалавека, асабліва разгляданае як вынік празмернага спажывання [анлайн-кантэнту нізкай якасці]». Паводле даных Оксфардскага слоўніка, за апошні год выкарыстанне гэтага выказвання вырасла на 230%.
Упершыню «brain rot» згадваецца ў кнізе «Уолдэн, або жыццё ў лесе» Генры Дэвіда Тора, апублікаванай у 1854 годзе. У лічбавую эпоху выраз набыў папулярнасць у сацыяльных сетках, асабліва сярод прадстаўнікоў пакаленняў Z і «альфа». Цікава, што «brain rot», як і словы года 2022 і 2023 гадоў — «goblin mode» і «rizz», пакуль не ўключаныя ў Оксфардскі слоўнік англійскай мовы (OED).
Прэзідэнт Oxford Languages Каспер Гратваль адзначыў, што выбар слова года адлюстроўвае тэндэнцыю фармавання і распаўсюджвання мовы ў анлайн-супольнасцях. Выбар «brain rot» словам года пераклікаецца з іншымі лінгвістычнымі тэндэнцыямі. У Расіі, напрыклад, партал «Грамата.ру» абраў словам года «вайб». Брытанскі слоўнік Collins назваў словам года «brat», а слоўнік Cambridge — «маніфеставаць».
Рэлацыраваліся? Цяпер вы можаце каментаваць без верыфікацыі акаўнта.
Каментарый скрыты за парушэнне правілаў каментавання.
Правила тут, их всего 5