Гадавы даход Pandadoc перавысіў $100 млн

«Сёння важны дзень для PandaDoc: гадавы рэгулярны даход перавысіў 100 мільёнаў долараў!» — такое паведамленне з’явілася на лінкедзін-старонцы кампаніі 28 жніўня.

Кампанія паведаміла, што ў яе ўжо больш за 60 000 кліентаў у 177 краінах. І нагадала, што сёлета ў яе 10-гадовы юбілей. Вось вехі ў зваротным парадку:

Чэрвень 2023. У PandaDoc 50 тысяч кліентаў.

Верасень 2021. PandaDoc прыцягвае інвестыцыі ў раўндзе C, і яе кошт ацэньваецца ў 1 мільярд долараў. Кампанія становіцца аднарогам.

2014 год. Беларусы Мікіта Мікада і Сяргей Барысюк афіцыйна запусцілі бізнэс.