У Вялікабрытаніі пададзены калектыўны пазоў супраць Google і Alphabet, якая валодае ёй, ад імя 130 рэкламных кліентаў кампаніі, піша TechCrunch. Яны патрабуюць кампенсацыі страт, якія ацэньваюць у £13,6 млрд (каля $16,3 млрд). Шкода была нанесеная неканкурэнтнымі практыкамі Google у сферы лічбавай рэкламы.
У Вялікабрытаніі пададзены калектыўны пазоў супраць Google і Alphabet, якая валодае ёй, ад імя 130 рэкламных кліентаў кампаніі, піша TechCrunch. Яны патрабуюць кампенсацыі страт, якія ацэньваюць у £13,6 млрд (каля $16,3 млрд). Шкода была нанесеная неканкурэнтнымі практыкамі Google у сферы лічбавай рэкламы.
Скарга была пададзеная ў Апеляцыйны суд у пытаннях канкурэнцыі ў Лондане. Амерыканскую кампанію абвінавачваюць у тым, што яна злоўжывае дамінуючым становішчам на рынку і атрымлівае велізарныя прыбыткі за кошт дзясяткаў тысяч брытанскіх паблішараў інтэрнэт-рэсурсаў і мабільных праграм.
У прыватнасці, Google дыктуе ўмовы на рынку, кантралюе цэнаўтварэнне і стварае прэферэнцыі для сябе. Гэтым яна шкодзіць тысячам прадпрымальнікаў, у якіх практычна не застаецца выбару, акрамя як выкарыстоўваць інструменты Google, каб зарабіць на рэкламе.
Каля 130 тысяч кліентаў, ад асобы якіх пададзены пазоў, аперуюць прыкладна 1,75 млн сайтаў і праграм у Вялікабрытаніі. Сцвярджаецца, што некаторыя праз дзеянні Google недаатрымалі да 40% рэкламнай выручкі. Сума шкоды палічаная за перыяд ад 1 студзеня 2014 года да цяперашняга часу.
Google адкідае абвінавачванні і называе іх беспадстаўнымі.
Аналагічны пазоў супраць тэхнагіганта быў анансаваны ў верасні ў Нідэрландах і будзе пададзены на пачатку 2023 года.
Рэлацыраваліся? Цяпер вы можаце каментаваць без верыфікацыі акаўнта.