Кампанія прадставіла дзве новыя функцыі ў сваім чат-боце Gemini: Canvas — інтэрактыўную прастору для стварэння і рэдагавання тэкстаў і кода — і Audio Overview — інструмент, які пераўтварае дакументы ў аўдыёагляды ў фармаце падкастаў.
Кампанія прадставіла дзве новыя функцыі ў сваім чат-боце Gemini: Canvas — інтэрактыўную прастору для стварэння і рэдагавання тэкстаў і кода — і Audio Overview — інструмент, які пераўтварае дакументы ў аўдыёагляды ў фармаце падкастаў.
Canvas — гэта новая функцыя ў Gemini, што прапануе карыстальнікам інтэрактыўную працоўную прастору для напісання тэкстаў, распрацоўкі кода і абмену вынікамі. Доступ да Canvas адкрываецца праз радок падказак, дзе можна адразу пачаць ствараць дакументы або праграмы з адлюстраваннем усіх змен у рэальным часе.
Функцыя дапамагае хутка генераваць чарнавікі тэкстаў і дапрацоўваць іх з дапамогай рэкамендацый Gemini. Карыстальнікі могуць карэктаваць асобныя фрагменты або цэлыя дакументы, змяняючы стыль, даўжыню ці танальнасць тэксту. Напрыклад, вылучыўшы тэкст, можна папрасіць зрабіць яго карацейшым, больш фармальным або сяброўскім. Гатовы кантэнт лёгка экспартуецца ў Google Docs.
У сферы праграмавання Canvas спрашчае стварэнне прататыпаў вэб-аплікацый, скрыптоў на Python, гульняў і іншых праектаў. Распрацоўшчыкі могуць хутка ператвараць ідэі ў працоўныя версіі, а студэнты — засвойваць асновы кадавання. Gemini прапануе праўкі кода ў працэсе працы, а таксама дазваляе генераваць і праглядаць HTML/React-прататыпы.
Canvas аб’ядноўвае стварэнне, рэдагаванне і дэманстрацыю кода ў адным інтэрфейсе, ліквідуючы патрэбу ў дадатковых інструментах. Гэтая функцыя пераклікаецца з аналагічнымі рашэннямі, такімі як Canvas ад OpenAI і Artifacts ад Anthropic, і адлюстроўвае трэнд пераўтварэння чат-ботаў у паўнавартасныя працоўныя платформы.
Другая навінка, Audio Overview, ужо знаёмая карыстальнікам сэрвісу NotebookLM, а цяпер інтэграваная ў Gemini. Яна пераўтварае дакументы, слайды або справаздачы ў аўдыёдыскусіі, што імітуюць падкасты. Пасля загрузкі файла два віртуальныя вядучыя абмяркоўваюць змест, вылучаюць ключавыя моманты, звязваюць тэмы і прапануюць свежы погляд.
Функцыя падтрымлівае розныя фарматы файлаў, а гатовыя аўдыёагляды даступныя для запампоўкі або праслухоўвання праз вэб-версію і мабільную аплікацыю Gemini. Пакуль што Audio Overview працуе толькі на англійскай мове, але ў планах — пашырэнне моўнай падтрымкі.
Рэлацыраваліся? Цяпер вы можаце каментаваць без верыфікацыі акаўнта.