Google дадасць у стужку публікацыі з сацсетак

Функцыя з’явіцца ў выглядзе ўкладкі пад загалоўкам Perspectives. У стужцы будуць адпаведныя запыту запісы з блогаў ды іншыя паведамленні. У кампаніі патлумачылі з’яўленне новай функцыі тым, што цяпер запатрабаваная інфармацыя ад рэальных людзей, а не кампаній або брэндаў. «Дзякуючы гэтаму фільтру вы ўбачыце доўгія і кароткія відэа, выявы і розныя запісы, якія людзі пакінулі на форумах і ў сацыяльных сетках», — адзначылі ў Google.