Алеся Чапкевич world 7 студзеня 2026, 13:17

Google і Boston Dynamics надзеляць чалавекападобных робатаў ШІ-мазгамі. А потым пратэстуюць на заводах Hyundai

Google DeepMind і Boston Dynamics абвесцілі аб партнёрстве на выставе CES 2026 у Лас-Вегасе, паведамляе Wired.

У найбліжэйшыя месяцы Boston Dynamics збіраецца інтэграваць мадэль Gemini Robotics у сваіх робатаў-гуманоідаў Atlas. Тэставаць іх будуць на фабрыках Hyundai — мацярынскай кампаніі BD.

Atlas ужо ўмее танцаваць і выконваць акрабатычныя трукі, але ў яго няма разумення навакольнага асяроддзя і здольнасці маніпуляваць незнаёмымі прадметамі. Gemini навучалася на даных аб рэальным свеце і павінна палепшыць успрыманне робатаў, каб дапамагчы ім прымаць рашэнні ў зменлівых умовах.

Atlas зможа адаптавацца да таго, што адбываецца вакол, і выкарыстоўваць прыдатныя інструменты для розных задач. Таксама робат зможа сам мяняць сабе батарэі, што дазволіць яму працаваць цалкам аўтаномна.