Алеся Чапкевич bel 5 студзеня 2026, 13:50

У Беларусі з'явіцца другая робатызаваная вытворчасць

У мінулым годзе робатызаваную вытворчасць запусціў «Гарызонт». Цяпер такую лінію для выпуску маразільных скрынь мантуюць на «Атланце». Пра гэта расказалі ў эфіры СТВ.

2 каментарыя

У мінулым годзе робатызаваную вытворчасць запусціў «Гарызонт». Цяпер такую лінію для выпуску маразільных скрынь мантуюць на «Атланце». Пра гэта расказалі ў эфіры СТВ.

Плануюць выпускаць восем мадэляў розных памераў. Збіраць іх будуць пры дапамозе робатаў — у новым цэху замест 120 супрацоўнікаў будуць занятыя ўсяго 35. Гэта павінна зрабіць вытворчасць эфектыўней.

«Участак створаны і спраектаваны з улікам максімальнай аўтаматызацыі ўсіх працэсаў. Тут ёсць дзве лініі аўтаматычныя па вырабе вонкавага ўнутранага корпуса. Потым ідуць запаўненне цеплаізаляцыяй прамежкаў, выпрабаванні і здача на склад гатовай прадукцыі», — то бок атрымліваецца поўны цыкл, кажа начальнік навукова-тэхнічнага цэнтра «Атланта» Дзмітрый Сакалоўскі. Людзі будуць адказваць толькі за кантроль, наладку і падачу камплектуючых.

На «Атланце» ўжо аўтаматызавана вырабленне асобных дэталяў і іх устаноўка на канвеер, але цалкам робатызаваную лінію запусцяць упершыню. Праект рэалізуюць з кітайскімі партнёрамі. Зараз заканчваецца мантаж абсталявання, ідуць пусканаладачныя работы.

Першую прамысловую партыю інавацыйных маразілак плануюць выпусціць у пачатку года, а вясной новыя мадэлі павінны з’явіцца ў продажы. Каля 20% прадукцыі пойдзе на ўнутраны рынак, але адзначаецца, што ёсць вялікі попыт у Расіі і Казахстане.