Google і Microsoft дрыжаць: «Белтэлекам» запусціў «Воблачны офіс»

Карыстальнікам даступна 100 Тб дыскавай прасторы на віртуальным серверы з 2 ядрамі CPU і 4 Гб аператыўнай памяці. Можна ствараць колькі заўгодна ўліковых запісаў.

Што ўнутры:

• можна ствараць і рэдагаваць офісныя дакументы Word, WPS, Excel, PowerPoint;
• працаваць з архівамі RAR, ZIP, TGZ;
• выгружаць і загружаць файлы з прылад;
• месенджар з аўдыё-, відэасувяззю і чатам;
• інструменты для арганізацыі працы: планавальнік задач, каляндар, нататкі;
• паштовы кліент і спіс кантактаў;
• двухфактарная аўтэнтыфікацыя;
• прэзентацыйная дошка і каталог дадаткаў для пашырэння функцыяналу;
• паўнатэкставы пошук па дакументах і іншае.

«Воблачны офіс» даступны ў дадатак да паслугі доступу ў інтэрнэт на карпаратыўных лінейках і як самастойная паслуга. Каштуе 107,5 рублёў у месяц. Падтрымліваецца на прыладах з Windows, Android, macOS і iOS.