«Google не будзе вырабляць боты, а вось Ford — будзе»: гендырэктар аўтаканцэрна растлумачыў, чаму адправіў сына працаваць зваршчыкам на лета

«Я паклапаціўся аб тым, каб у яго была праца на лета, на якой ён бы навучыўся зварцы. Ён вучыўся нешта ствараць, працаваць рукамі і ўзаемадзейнічаць з людзьмі», — сказаў Фарлі. Да таго ж цяпер у падлетка ёсць выбар: генеральны дырэктар кажа, што калі яго сын стане «лепшым зваршчыкам або механікам, які працуе са звышмагутнымі дызельнымі рухавікамі», то як бацька ён будзе вельмі ганарыцца ім.

Гісторыяй Фарлі падзяліўся на фоне вострай нястачы людзей працоўных прафесій у ЗША, уключаючы пажарных, медыкаў, сантэхнікаў, электрыкаў і іншых, якія ён лічыць крытычна важнымі для эканомікі.

Сваім учынкам Фарлі хацеў кінуць выклік сучаснай культуры, у якой незаслужана абясцэньваецца праца кваліфікаваных спецыялістаў і ўзносяцца выпускнікі элітных ВНУ. Ён дадаў, што папярэднім пакаленням амерыканцаў удалося зрабіць сваю краіну цудоўнай менавіта дзякуючы такім прафесіям, і яны заслугоўваюць вялікай павагі.

«Але ў нашым грамадстве гэтымі людзьмі не захапляюцца так, як у апошні час захапляюцца ШІ-інжынерамі», — сказаў Фарлі. Залішне спадзеючыся на ІТ-спецыялістаў і грэбуючы рабочымі, ЗША рызыкуюць паставіць сябе ва уразлівае становішча ў сферы нацыянальнай абароны. «Калі мы недзе ўцягнемся ў вайну, Google не стане вырабляць боты, а вось Ford — стане», — заключыў ён.