Адзін з самых уплывовых навукоўцаў у сферы штучнага інтэлекту, лаўрэат Нобелеўскай прэміі Джэфры Хінтан заявіў, што Google нарэшце выходзіць наперад у гонцы вялікіх мадэляў — і, верагодна, стане пераможцам.
Адзін з самых уплывовых навукоўцаў у сферы штучнага інтэлекту, лаўрэат Нобелеўскай прэміі Джэфры Хінтан заявіў, што Google нарэшце выходзіць наперад у гонцы вялікіх мадэляў — і, верагодна, стане пераможцам.
У інтэрв’ю Business Insider Хінтан сказаў, што з улікам рэсурсаў кампаніі здзіўляе толькі тое, што гэта адбылося не раней. «Я думаю, больш дзіўна, што Google так доўга не мог абагнаць OpenAI. Цяпер яны пачынаюць рабіць гэта проста на нашых вачах», — адзначыў навуковец.
Нагодай для аптымізму стала паспяховае абнаўленне Gemini 3, якое многія аналітыкі назвалі якасным рыўком наперад у параўнанні з GPT-5. Папулярнасць таксама набірае і новая мадэль выяў Google Nano Banana Pro.
Хінтан лічыць, што адна з ключавых пераваг Google — уласныя чыпы і інфраструктура: «Стварэнне ўласных чыпаў — велізарная перавага. У Google шмат моцных даследчыкаў, шмат дадзеных і велізарныя дата-цэнтры. Мой прагноз: Google выйграе».
Навуковец нагадаў, што Google яшчэ некалькі гадоў таму была лідарам галіны і яе напрацоўкі выкарыстоўваліся для стварэння сучасных LLM і першых буйных чат-ботаў. Аднак кампанія, па яго словах, прытармазіла развіццё з-за асцярожнасці пасля правалу Microsoft з чат-ботам Tay у 2016 годзе.
«Google даражыла рэпутацыяй і была вельмі асцярожная, каб не выпусціць прадукт, здольны ёй нашкодзіць», — падкрэсліў ён. Цяпер жа сітуацыя змяняецца: пасля серыі няўдалых запускаў, уключаючы памылкі ў генерацыі выяў і абсурдныя парады ў пошуку з ШІ, кампанія здолела стабілізаваць тэхналогіі і вярнуць пазіцыі.
Релоцировались? Теперь вы можете комментировать без верификации аккаунта.