Google адмовіцца ад браўзера па змаўчанні Chrome у Chrome OS

Паводле даных AboutChromebooks, браўзер заменяць на вэб-аглядальнік Lacros. У дакументацыі Lacros з’явілася згадка наступнай версіі ChromeOS 116. Запуск АС запланаваны на канец жніўня гэтага года. Таксама ў бэта-версіі сістэмы «ёсць некалькі сотняў згадак Lacros», паведамляе выданне.

Пераход на Lacros можа забяспечыць эфектыўнейшы працэс абнаўлення і спросціць унясенне паправак для браўзера, мяркуюць інсайдары. Цяпер для ўнясення любых змяненняў у браўзеры неабходна рабіць поўнае абнаўленне ChromeOS. Гэта можа стаць сур’ёзнай праблемай пры выпраўленні крытычных уразлівасцяў.