Google адкрыла для іншых распрацоўшчыкаў доступ да PaLM — адной са сваіх самых прасунутых моўных мадэляў. Ім прапанаваныя API мадэлі і шэраг карпаратыўных АІ-інструментаў, якія спросцяць для кампаній генерацыю тэксту, малюнкаў, кода, відэа, аўдыя ды іншага кантэнту на моўныя запыты.
Google адкрыла для іншых распрацоўшчыкаў доступ да PaLM — адной са сваіх самых прасунутых моўных мадэляў. Ім прапанаваныя API мадэлі і шэраг карпаратыўных АІ-інструментаў, якія спросцяць для кампаній генерацыю тэксту, малюнкаў, кода, відэа, аўдыя ды іншага кантэнту на моўныя запыты.
PaLM — аналаг мадэляў GPT ад OpenAI і LLaMA ад Meta. Яна была паказаная ў красавіку 2022 года. PaLM можа прымяняцца для розных задач спараджэння і рэдагавання тэксту — напрыклад, на аснове яе можна зрабіць чатбота, даручыць ёй рэзюмаваць тэксты або кодзіць.
Каб палегчыць працэс навучання PaLM пад канкрэтныя задачы для распрацоўшчыкаў, акрамя API PaLM кампанія запусціла сэрвіс MakerSuite. Дэталёвае наладжванне кастамізаваных мадэляў можна будзе ажыццяўляць прама ў браўзеры, а вылічэнні возьме на сябе Google Cloud.
Таксама Google пашырыць падтрымку генератыўнага АІ платформай Vertex AI, якая спрашчае кліентам трэніроўку і разгортванне мадэляў машыннага навучання. Тут стане даступна яшчэ больш мадэляў Google Research і АІ-лабараторыі DeepMind.
Акрамя гэтага, кампанія абвясціла пра запуск новай платформы Generative AI App Builder. Яна дазволіць распрацоўшчыкам хутка ствараць чатботаў, дыялогавыя інтэрфейсы, кастамныя пошукавыя рухавікі, лічбавых памочнікаў і не толькі. Яны атрымаюць доступ да базавых мадэляў Google праз API і змогуць выкарыстоўваць гатовыя шаблоны для стварэння праграм за лічаныя хвіліны або гадзіны.
Рэлацыраваліся? Цяпер вы можаце каментаваць без верыфікацыі акаўнта.