Кампанія пашырае функцыю Personal Intelligence для бясплатных карыстальнікаў сваіх ШІ-сэрвісаў. Новая сістэма персаналізацыі становіцца даступнай у аплікацыі Gemini, у Gemini унутры браўзера Chrome, а таксама ў рэжыме AI Mode у пошуку.
Кампанія пашырае функцыю Personal Intelligence для бясплатных карыстальнікаў сваіх ШІ-сэрвісаў. Новая сістэма персаналізацыі становіцца даступнай у аплікацыі Gemini, у Gemini унутры браўзера Chrome, а таксама ў рэжыме AI Mode у пошуку.
Personal Intelligence дазваляе асістэнту фарміраваць адказы з улікам дадзеных з экасістэмы Google, уключаючы Gmail, Google Calendar, Drive, Photos, YouTube, Maps і гісторыю пошукавых запытаў.
Алгарытмы аналізуюць перавагі карыстальніка, яго мінулыя дзеянні і лічбавы кантэкст, каб аўтаматычна адаптаваць рэкамендацыі і падказкі без неабходнасці падрабязна апісваць сітуацыю ў кожным запыце.
У Google прыводзяць шэраг практычных сцэнарыяў выкарыстання. Напрыклад, сістэма можа прапанаваць канкрэтныя крокі для ліквідацыі тэхнічнай праблемы, арыентуючыся на мадэль прылады з электронных чэкаў у пошце, ці сфарміраваць персаналізаваны маршрут падарожжа з улікам інтарэсаў і папярэдніх паездак.
Таксама функцыя здольная падбіраць ідэі для вольнага часу, рэкамендацыі па пакупках ці варыянты харчавання ў аэрапорце, улічваючы час перасадкі і размяшчэнне гейтаў.
Раней доступ да гэтай функцыі мелі толькі падпісчыкі платнага ШІ-плана кампаніі. Пашырэнне функцыі пачалося ў ЗША. Для яе актывацыі карыстальніку неабходна ўручную пагадзіцца на персаналізацыю і падключыць патрэбныя сэрвісы.
Кампанія заяўляе, што Personal Intelligence распрацоўвалася з улікам прынцыпаў «празрыстасці і кантролю»: доступ да дадзеных можна ў любы момант абмежаваць або адключыць. Пры гэтым мадэлі Gemini не навучаюцца напрамую на змесце пошты ці фатаграфій — выкарыстоўваецца толькі абмежаваная інфармацыя, звязаная з запытамі і адказамі сістэмы.
Рэлацыраваліся? Цяпер вы можаце каментаваць без верыфікацыі акаўнта.