Кампанія пашырае магчымасці свайго ШІ-асістэнта Gemini: цяпер ён можа выкарыстоўваць дадзеныя з Gmail, Google Search, YouTube і Google Photos для больш персаналізаваных адказаў.
Кампанія пашырае магчымасці свайго ШІ-асістэнта Gemini: цяпер ён можа выкарыстоўваць дадзеныя з Gmail, Google Search, YouTube і Google Photos для больш персаналізаваных адказаў.
Гаворка ідзе не проста пра доступ да асобных сэрвісаў, а пра здольнасць Gemini разважаць адразу на аснове розных крыніц унутры акаўнта карыстальніка. Асістэнт зможа самастойна выцягваць патрэбныя дэталі з лістоў, фотаздымкаў, гісторыі пошуку ці праглядаў на YouTube — без прамога ўказання, адкуль менавіта браць інфармацыю. Функцыя працуе на базе новых мадэляў Gemini 3.
У Google прыводзяць побытавы прыклад: карыстальнік пытаецца ў Gemini памер шын для свайго аўтамабіля, а асістэнт не толькі знаходзіць тэхнічныя характарыстыкі, але і прапануе варыянты з улікам сямейных паездак, зафіксаваных у Google Photos, а затым выцягвае нумар машыны з захаванай фатаграфіі і ўдакладняе камплектацыю, прааналізаваўшы лісты ў Gmail. Усё гэта — у рамках аднаго дыялогу.
Кампанія прызнае, што такая глыбіня персаналізацыі нясе рызыкі. У блогу Google адзначаюць, што магчымы памылкі, «празмерная персаналізацыя» і няправільныя высновы — напрыклад, у сітуацыях, звязаных са зменамі ў асабістым жыцці ці інтарэсах карыстальніка. Для гэтага прадугледжана сістэма зваротнай сувязі і магчымасць адключаць персаналізацыю ў асобных чатах.
Personal Intelligence будзе працаваць толькі па прынцыпу opt-in: функцыя выключана па змаўчанні, а карыстальнік сам выбірае, якія сэрвісы падключаць. У Google падкрэсліваюць, што Gemini не навучаецца напрамую на змесце Gmail ці Google Photos. Для навучання выкарыстоўваюцца толькі абмежаваныя дадзеныя: самі запыты карыстальніка і адказы мадэлі, пасля фільтрацыі ці абезасаблення.
Запуск Personal Intelligence пачынаецца ў выглядзе бэта-версіі і пакуль абмежаваны ЗША. Доступ атрымаюць падпісчыкі Google AI Pro і AI Ultra з асабістымі акаўнтамі. У будучыні Google плануе пашырыць геаграфію і адкрыць функцыю для бясплатнай версіі Gemini, а таксама інтэграваць яе ў AI Mode у пошуку.
Релоцировались? Теперь вы можете комментировать без верификации аккаунта.