Google паказала лінейку Pixel 9 і запусціла галасавы чат Gemini Live

Кампанія паказала лінейку з чатырох смартфонаў: базавы Pixel 9 і тры Pro-версіі: Pixel 9 Pro, Pixel 9 Pro XL і складанчык Pixel 9 Pro Fold. Прылада Pixel 9 мае працэсар Tensor G4 з ядром павышанай прадукцыйнасці Arm Cortex-X4, трыма ядрамі Cortex-A720 і чатырма Cortex-A520, графічным паскаральнікам Mali-G715 і мадэмам Exynos 5400. Аб’ём аперацыйнай памяці — 12 Гбайт.

У Pixel 9 6,3-цалёвы дысплей Actua OLED з разрознасцю FHD+ (2424×1080 пікселяў). Частата абнаўлення — 120 Гц, пікавая яркасць да 2700 ніт. Прылада атрымала ультрагукавы сканер, убудаваны ў дысплэй, замест аптычнага сканера адбіткаў пальцаў. У Pixel 9 Pro памер дысплэя будзе такім жа, як у Pixel 9 — з дыяганаллю 6,3 цалі, але з вышэйшай разрознасцю. У Pixel 9 Pro XL дыяганаль — 6,8 цалі.

 

 

 

Батарэя ёмістасцю 4700 мА·г падтрымлівае зарадку магутнасцю 45 Вт, папаўненне зараду да 55% адбываецца за 30 хвілін. Зарадная прылада магутнасцю 45 Вт прадаецца асобна. Pixel 9 мае франтальную камеру з 10,5-Мп сэнсарам вытворчасці Samsung. На задняй панэлі размешчаная асноўная 50-мегапіксельная камера Samsung ISOCELL GNK з падтрымкай аптычнай стабілізацыі і 48-мегапіксельная звышшырокавугольная камера.

Галоўная новая функцыя лінейкі — гэта новы рэжым галасавога чата для Gemini пад назвай Gemini Live, які заменіць «Google Асістэнта». Функцыя нагадвае галасавы чат ChatGPT. Размова адбываецца ў вольнай форме, бота можна перарываць на паўслове, прыпыняць размову не націскаючы кнопак і аднаўляць яго пазней.

Gemini Live працуе таксама ў фонавым рэжыме пры заблакаваным экране смартфона. Карыстальнікі могуць выбраць з 10 новых галасоў для Gemini. Пакуль функцыя працуе толькі на англійскай мове, але найбліжэйшымі тыднямі Gemini Live стане даступны на iOS і атрымае падтрымку дадатковых моў.

Gemini Live будзе даступны пакуль толькі для падпісчыкаў Gemini Advanced. Акрамя Gemini Live з’явіліся і іншыя функцыі, напрыклад, магчымасць аналізаваць кантэкст экрана карыстальніка. Пасля таго, як карыстальнік абярэ опцыю Ask about this screen або Ask about this video, АІ дасць неабходную інфармацыю.

Смартфон даступны ў чатырох колерах: Porcelain (фарфор), Peony (півоня), Wintergreen (зялёны) і Obsidian (чорны). Кошт Pixel 9 — $799, Pixel 9 Pro — $999, Pixel 9 Pro XL — $1099. Прылады ўжо даступныя для перадзаказу, у продаж яны паступяць 22 жніўня, Pixel 9 Pro пачне прадавацца ў верасні.

Таксама кампанія паказала разумныя гадзіннікі Pixel Watch 3. У прылады дзве мадэлі: з дысплэем Actua на 41 мм і 45 мм. Пікавая яркасць — 2000 ніт. Гадзіннікі працуюць да 36 гадзін пры поўнай зарадцы. У гаджата з’явілася функцыя, якая выяўляе страту пульсу і аўтаматычна пасылае запыт выратавальнай службе. Кошт мадэлі з экранам 41 мм — $349, c 45 мм — $399. Прылада паступіць у продаж 10 верасня.

Google прызналі манапалістам на рынку пошуку. Што гэта значыць?

Па тэме

Google прызналі манапалістам на рынку пошуку. Што гэта значыць?

Apple сильно пострадает, если лишится поисковика Google по умолчанию

По теме

Apple сильно пострадает, если лишится поисковика Google по умолчанию

Google прызналі манапалістам у ЗША ў сферы пошуку

Па тэме

Google прызналі манапалістам у ЗША ў сферы пошуку