Google пастаянна парушае прыватнасць карыстальнікаў і дапускае ўцечкі

Напрыклад, у адным выпадку выцекла інфармацыя пра паездкі і хатнія адрасы карыстальнікаў Waze Carpool. У другім — аўдыясэрвіс Google збіраў галасы прыкладна 1 тысячы дзяцей, у трэцім — сістэма Google Street View захоўвала нумары аўтамабіляў, счытаныя алгарытмам распазнавання тэксту на выявах, у чацвёртым — YouTube падбіраў рэкамендацыі на аснове відэа, якія былі выдаленыя карыстальнікамі з гісторыі праглядаў.

Нядаўна ў сетку патрапілі іншыя ўнутраныя дакументы Google пра тое, як уладкаваны пашукавік кампаніі. Новая ўцечка пралівае святло ў тым ліку на тое, як Google працуе з інцыдэнтамі з данымі карыстальнікаў. Пра іх амаль ніколі не паведамляюць публічна. Расследаванні адпаведная каманда звычайна пачынае пасля таго, як хто-небудзь з супрацоўнікаў прысвоіць праблеме высокі прыярытэт.

Паводле слоў прадстаўніка Google, гаворка ідзе пра базу інцыдэнтаў, зафіксаваных па паведамленнях супрацоўнікаў 6-9 гадоў таму. Усе праблемы былі разгледжаныя і выпраўленыя, а ўся канфідэнцыйная інфармацыя — выдаленая. Ён дадаў, што ў некаторых выпадках віна ляжыць на іншых платформах, а некаторыя і зусім нельга лічыць парушэннямі — напрыклад, калі ўнутраная каманда бяспекі праводзіла эксперыменты для паляпшэння прадуктаў або паступалі ілжывыя паведамленні пра багі.

Таксама прадстаўнік кампаніі сцвярджае, што з таго часу яна ўкараніла сотні дадатковых мер абароны прыватнасці карыстальнікаў, а яе прадукты пастаянна праходзяць незалежныя праверкі.

У сеціве з’явілася велічэзная дакументацыя Google наконт працы пошукавага алгарытму

Па тэме

У сеціве з’явілася велічэзная дакументацыя Google наконт працы пошукавага алгарытму