Беспрэцэдэнтная ўцечка 2500 старонак унутранай дакументацыі Google пралівае святло на тое, як адбываецца аналіз і ранжыраванне сайтаў яе пошукавым алгарытмам, а таксама сведчыць, што кампанія многія гады, мякка кажучы, была не зусім праўдзівая наконт гэтага.
Беспрэцэдэнтная ўцечка 2500 старонак унутранай дакументацыі Google пралівае святло на тое, як адбываецца аналіз і ранжыраванне сайтаў яе пошукавым алгарытмам, а таксама сведчыць, што кампанія многія гады, мякка кажучы, была не зусім праўдзівая наконт гэтага.
Дакументацыя была выкладзеная самой Google, мабыць, памылкова 27 сакавіка на GitHub і знаходзілася там да 7 мая, паспеўшы добра захавацца ў інтэрнэце. Першым пра ўцечку паведаміў SEO-спецыяліст Рэнд Фішкін, пасля яго падрабязны разбор зрабіў яго калега Майк Кінг. Інфармацыя, якая змяшчаецца ў ёй, у асноўным тэхнічная і будзе, хутчэй, цікавая і карысная спецыялістам па пошукавай аптымізацыі і распрацоўшчыкам, чым шараговым карыстальнікам.
Напрыклад, у ёй дэталізуецца, якія даныя Google збірае з вэб-старонак і сайтаў, якія сайты падымае вышэй у выдачы па адчувальных тэмах, такіх як выбары, якая палітыка ў дачыненні да невялікіх сайтаў і многае іншае.
Некаторыя падрабязнасці разыходзяцца з публічнымі заявамі прадстаўнікоў Google. Напрыклад, паводле іх слоў, для ранжыравання вэб-старонак не выкарыстоўваюцца даныя Chrome, аднак у матэрыялах з уцечкі браўзер наўпрост згаданы ў пасажах пра паказ сайтаў у выдачы. Іншы прыклад тычыцца ролі метрыкі EEAT (Experience, Expertise, Authoritativeness, Trustworthiness) для ацэнкі надзейнасці крыніц інфармацыі. Мяркуючы з дакументацыі, кампанія адсочвае атрыбут аўтарства кантэнту на старонках. Гэта можа паўплываць на рэйтынг, хоць Google заяўляе, што гэта не так.
Сама Google пакуль ніяк не каментуе ні сітуацыі, ні сапраўднасці дакументаў.
Рэлацыраваліся? Цяпер вы можаце каментаваць без верыфікацыі акаўнта.
Люблю такие вбросы без ссылки на то где на это можно взглянуть своими глазами.