Google прэзентавала бясплатнага ШІ-агента для кодэраў
Кампанія запусціла новы інструмент на базе штучнага інтэлекту — Gemini CLI, які дазваляе распрацоўшчыкам працаваць з мадэллю Gemini непасрэдна праз камандны радок.
Кампанія запусціла новы інструмент на базе штучнага інтэлекту — Gemini CLI, які дазваляе распрацоўшчыкам працаваць з мадэллю Gemini непасрэдна праз камандны радок.
Gemini CLI пабудаваны на мадэлі Gemini 2.5 Pro, якая здольная апрацоўваць да мільёна токенаў у адным запыце — што дазваляе ёй утрымліваць вялікія аб’ёмы кантэксту. Інструмент інтэграваны з сэрвісамі Gemini Code Assist, Google Search, падтрымлівае пратакол Model Context Protocol (MCP) і дазваляе звяртацца да іншых мадэляў Google, такіх як Veo (для відэа) і Imagen (для выяваў). Такім чынам, распрацоўшчык можа без пераходу ў графічны інтэрфейс генераваць медыяфайлы і кіраваць задачамі, не пакідаючы тэрмінал.
Агента можна выкарыстоўваць для больш шырокага кола задач: ад генерацыі тэхнічнай дакументацыі да вырашэння даследчых і арганізацыйных задач. Ён арыентаваны на распрацоўшчыкаў, якія аддаюць перавагу працы ў асяроддзі каманднага радка, і прапануе высокую ступень кастамізацыі. Карыстальнікі могуць наладжваць паводзіны мадэлі з дапамогай спецыяльных файлаў канфігурацыі і падключаць знешнія базы дадзеных і плагіны.
Google зрабіла інструмент адкрытым і бясплатным — ён распаўсюджваецца пад ліцэнзіяй Apache 2.0. Спампаваць Gemini CLI можна ў GitHub, дзе таксама адкрыты трэкер праблем і прапаноў. Індывідуальныя распрацоўшчыкі могуць атрымаць бясплатную ліцэнзію Gemini Code Assist, якая дае доступ да Gemini CLI і дазваляе рабіць да 60 запытаў у хвіліну і 1000 у дзень — што, паводле словаў кампаніі, у два разы перавышае сярэднюю нагрузку яе ўнутраных каманд.
Выхад Gemini CLI адбываецца на фоне растучай канкурэнцыі на рынку ШІ-інструментаў для праграмістаў. У сегменце ўжо актыўна выкарыстоўваюцца такія рашэнні, як GitHub Copilot, Claude Code ад Anthropic, а таксама Codex CLI ад OpenAI. Аднак Google робіць стаўку на адкрытасць, магутную мадэль і высокі ліміт запытаў, спадзеючыся прыцягнуць увагу як індывідуальных распрацоўшчыкаў, так і каманд.
ШІ-агенты пакуль дрэнна спраўляюцца з продажамі і абслугоўваннем кліентаў
ШІ-агенты пакуль дрэнна спраўляюцца з продажамі і абслугоўваннем кліентаў
ШІ-інструмент для кодэраў, ШІ-агент, генератары малюнкаў і відэа: галоўныя анонсы Google I/O 2025
ШІ-інструмент для кодэраў, ШІ-агент, генератары малюнкаў і відэа: галоўныя анонсы Google I/O 2025
Microsoft прэзентавала ШІ-агента, які піша код за распрацоўшчыкаў
Microsoft прэзентавала ШІ-агента, які піша код за распрацоўшчыкаў
Рэлацыраваліся? Цяпер вы можаце каментаваць без верыфікацыі акаўнта.