Кампанія адкрыла перадзаказы на Googlebook — новае сямейства ноўтбукаў, якое аб’ядноўвае Android, магчымасці ChromeOS і убудаваны ШІ Gemini. Першыя прылады выпусцяць Acer, ASUS, Dell, HP і Lenovo.
Кампанія адкрыла перадзаказы на Googlebook — новае сямейства ноўтбукаў, якое аб’ядноўвае Android, магчымасці ChromeOS і убудаваны ШІ Gemini. Першыя прылады выпусцяць Acer, ASUS, Dell, HP і Lenovo.
Googlebook працуе на новай Googlebook OS, пабудаванай на тэхналагічнай аснове Android з выкарыстаннем распрацовак ChromeOS. Сістэма падтрымлівае прыкладанні з Google Play і паўнавартасны браўзер Chrome з пашырэннямі. У адрозненне ад Chromebook, Android-прыкладанні тут запускаюцца непасрэдна ў аперацыйнай сістэме, без эмуляцыі.
Google паведаміла, што хоча зрабіць ноўтбук працягам смартфона. Пры першапачатковай наладзе на кампутар можна перанесці паролі, налады і паведамленні. Функцыя Continue On дазваляе пачаць працу ў прыкладанні на тэлефоне і працягнуць на наўтбуку. Праз файлавы менеджар можна адкрываць фотаздымкі і дакументы са смартфона, а Cast My Apps — запускаць яго прыкладанні ў асобных вокнах кампутара. Пры гэтым для асноўных новых функцый інтэграцыі спатрэбіцца тэлефон з Android 17.
У сістэму ўбудаваны некалькі функцый Gemini. Magic Pointer выклікае ШІ рухам курсора: мадэль можа вывучыць змест экрана, перакласці тэкст або выканаць дзеянне па запыце карыстальніка. Rambler ператварае вусную мову ў структураваныя нататкі, спісы і дакументы, а Create My Widget дазваляе ствараць віджэты працоўнага стала па тэкставым апісанні.
Googlebook таксама разлічаны на распрацоўшчыкаў. Прылады атрымаюць доступ да платформы ШІ-агентаў Antigravity і тэрміналу, у якім можна выкарыстоўваць Claude Code ды іншыя інструменты праграмавання. Для запуску Linux-прыкладанняў і агентаў прадугледжана ізаляванае асяроддзе.
Першыя пяць мадэляў аснашчаны працэсарамі Intel Core Ultra або Qualcomm Snapdragon X Elite. У залежнасці ад канфігурацыі пакупнікам прапануюць экраны дыяганалю ад 13 да 15 цаляў, не менш за 16 ГБ аператыўнай памяці, сэнсарныя дысплеі, металічныя корпусы і падсветку клавіятуры. Google абяцае да 14 гадзін аўтаномнай працы. На крышках ноўтбукаў з’явіцца светлавая паласа Glowbar, якая паказвае зарад батарэі і рэагуе на сувязь з Gemini.
Аднак у новай платформы ёсць абмежаванні. Журналісты The Verge, якія пратэставалі прылады, адзначаюць, што многія прыкладанні з Google Play па-ранейшаму разлічаны на смартфоны. У прыватнасці, даступныя версіі Photoshop і Lightroom не замяняюць паўнафункцыянальныя настольныя праграмы для Windows і macOS. Не ўсе прыкладанні пакуль падтрымліваюць і перанос працы паміж тэлефонам і ноўтбукам.
Кошт Googlebook пачынаецца ад $899, больш дарагія мадэлі прапануюцца ад $1299. Пакупнікі атрымаюць год Google AI Pro з 5 ТБ воблачнага сховішча і тры месяцы YouTube Premium і Adobe Photoshop. Кампанія абяцае да дзесяці гадоў абнаўленняў аперацыйнай сістэмы. Продажы ў ЗША пачнуцца 4 кастрычніка, а 5 кастрычніка прылады з’явяцца ў Канадзе, Вялікабрытаніі, Ірландыі, Францыі, Германіі і Аўстраліі. Перадзамовы ўжо адкрытыя на сайце Googlebook .
Релоцировались? Теперь вы можете комментировать без верификации аккаунта.
спасиба ненада. Уже который год андроид вот вот обойдет айфон)