Google расказаў пра самыя папулярныя запыты 2024 года

Сёлета карыстальнікі шукалі інфармацыю пра спартыўныя мерапрыемствы: у топе запытаў былі Кубак Амерыкі, чэмпіянат Еўропы па футболе і чэмпіянат свету па крыкеце. Таксама людзі гуглілі навіны пра Ліама Пэйна — спевака і ўдзельніка бойз-бэнда One Direction, які загінуў у кастрычніку ў выніку няшчаснага выпадку. Яшчэ ўвагу карыстальнікаў прыцягнула Алімпіяда ў Парыжы, катастрафічная спякота і ўраган «Мілтан», які накрыў ЗША.

Людзі

1. Дональд Трамп — абраны прэзідэнт ЗША, выйграў прэзідэнцкія выбары, патрапіў у шэраг скандалаў і перажыў замах.
2. Кэтрын, прынцэса Уэльская — жонка спадчынніка брытанскага трона прынца Уільяма, на пачатку года паведаміла пра выяўлены рак і прайшла курс хіміятэрапіі.
3. Камала Харыс — віцэ-прэзідэнтка ЗША, якая ўступіла ў перадвыбарчую гонку замест Джо Байдэна.
4. Іман Хеліф — алжырская спартсменка па боксе, выйграла золата на Алімпіядзе-2024. У сацсетках узнікла спрэчка праз яе гендарную ідэнтычнасць.
5. Джо Байдэн — прэзідэнт ЗША. Першапачаткова планаваў удзельнічаць у выбарах, але летам паведаміў аб зняцці сваёй кандыдатуры.

Фільмы

1. «Галаваломка 2» — анімацыйная карціна ад студыі Pixar, самы касавы мультфільм у гісторыі.
2. «Дэдпул і Расамаха» — самы касавы фільм з рэйтынгам 18+.
3. «Солтберн» — драма з Бары Кеоганам і Джэйкабам Элардзі.
4. «Бітлджус 2» — працяг чорнай камедыі 1988 года ад рэжысёра Ціма Бёртана.
5. «Дзюна: Частка другая» — блокбастар Дэні Вільнёва па аднайменнай кнізе Фрэнка Герберта.

Серыялы

1. «Аленяня» — міні-серыял пра сталкінг, які стаў вірусным у сацсетках.
2. «Фалаўт» — экранізацыя аднайменнай серыі відэагульняў.
3. «Дом Цмока» — другі сезон серыяла-прыквела «Гульні тронаў».
4. «Хірамандзі: Бляск брыльянтаў» — індыйскі серыял пра жыццё жанчын у «квартале чырвоных ліхтароў» у 1940-х гадах.
5. «Сёгун» — адзін з самых узнагароджваных серыялаў сёлета, сюжэт — пра сярэднявечную грамадзянскую вайну ў Японіі.

Музыканты

1. Пі Дзідзі — рэпер і музычны прадзюсар Шон Комбс, якога абвінавацілі ў гандлі людзьмі і мностве сексуалізаваных злачынстваў.
2. Ашэр — амерыканскі спявак, у 2024 годзе выступіў на Суперкубку Нацыянальнай футбольнай лігі ЗША.
3. Linkin Park — сёлета група вярнулася на сцэну праз сем гадоў перапынку пасля смерці Чэстэра Бэнінгтана.
4. Сабрына Карпентэр — поп-спявачка, сёлета ў яе выйшаў альбом Short n’Sweet.
5. Джасцін Цімберлэйк — выканаўца і акцёр.

Гульні

1. Connections — галаваломка ад The New York Times, у якой трэба звязваць словы адно з адным.
2. Palworld — гульня-пясочніца пра «пакемонаў» з гарматамі.
3. Infinite Craft — браўзерная і мабільная гульня аб злучэнні розных элементаў паміж сабой.
4. Sprunki — праграма, у якой можна ствараць музычныя трэкі з дапамогай персанажаў, якія спяваюць.
5. Helldivers 2 — экшан пра бітвы людзей з вялізнымі жукамі і робатамі.

Как отказаться от использования своих данных для обучения ИИ?

По теме

Как отказаться от использования своих данных для обучения ИИ?

Квантавы чып Google здольны вырашаць задачы, на якія суперкамп’ютару трэба 10 септыльёнаў гадоў

Па тэме

Квантавы чып Google здольны вырашаць задачы, на якія суперкамп’ютару трэба 10 септыльёнаў гадоў

ChatGPT нарошчвае долю на рынку, адбірае ў Google

Па тэме

ChatGPT нарошчвае долю на рынку, адбірае ў Google