Google дазволіла сабе выкарыстоўваць усю інфармацыю з інтэрнэту для навучання АІ
Кампанія абнавіла сваю палітыку канфідэнцыйнасці, заявіўшы, што стане выкарыстоўваць агульнадаступныя даныя ў інтэрнэце для навучання АІ-мадэляў.
У дакуменце пазначана: «Google выкарыстоўвае агульнадаступную інфармацыю для навучання АІ-мадэляў Google і стварэння прадуктаў і функцый, такіх як „Google Перакладчык“, Bard і Cloud AI». Агульнадаступная ў гэтым выпадку — любая інфармацыя, якая з’яўляецца на вэб-сайце і можа быць праіндэксаваная службамі Google.
Прадстаўнікі кампаніі паведамілі, што змена дапаможа кампаніі палепшыць свае паслугі і распрацаваць новыя прадукты, функцыі і тэхналогіі для карыстальнікаў. Змены набылі моц 1 ліпеня. Кампанія будзе збіраць даныя незалежна ад іх актуальнасці. Застаецца незразумелым, ці могуць карыстальнікі выключыць нейкую інфармацыю з гэтага масіву даных.
Читать на dev.by