Google згарнула продажу смарт-гадзіннікаў Fitbit больш як у палове краін

Гаворка ідзе пра «разумныя» гадзіннікі, фітнэс-трэкеры ды іншыя гаджаты Fitbit. За апошнія некалькі месяцаў яны зніклі з паліц у шэрагу краін Еўропы, Азіі, пар, а таксама цалкам — з рынку Лацінскай Амерыкі.

Цяпер прылады Fitbit можна набыць толькі ў 23 краінах, то-бок менш як у палове ў параўнанні з тым, што было раней.

Google пацвердзіла манеўр і патлумачыла яго тым, што хоча прывесці партфель сваіх прылад прыкладна ў адпаведнасць з геаграфіяй даступнасці фірмовых гаджатаў Pixel. І геаграфія гэтая, адзначае 9to5Google, даволі абмежаваная, за што кампанію нярэдка крытыкуюць.

Уладальнікі дзейных прылад Fitbit па-ранейшаму змогуць карыстацца імі, звяртацца ў тэхпадтрымку і атрымліваць праграмныя абнаўлення, гарантыі таксама працягнуць дзейнічаць.

Google абвясціла аб куплі Fitbit у 2019 годзе, угода была закрытая ў 2021-м. Тады тэхнагігант меў намер зрабіць фітнэс-гаджаты «даступнейшымі для большай колькасці людзей».