Вытворцы Android-прылад могуць значна змяняць знешні выгляд і функцыянал аперацыйнай сістэмы, але ўсе асноўныя магчымасці яны запазычваюць з адкрытага зыходнага кода Android Open Source Project (AOSP). Цяпер Google вырашыла істотна змяніць працэс распрацоўкі платформы, каб аптымізаваць яе далейшае развіццё. Кампанія пацвердзіла гэта выданню Android Authority.
Вытворцы Android-прылад могуць значна змяняць знешні выгляд і функцыянал аперацыйнай сістэмы, але ўсе асноўныя магчымасці яны запазычваюць з адкрытага зыходнага кода Android Open Source Project (AOSP). Цяпер Google вырашыла істотна змяніць працэс распрацоўкі платформы, каб аптымізаваць яе далейшае развіццё. Кампанія пацвердзіла гэта выданню Android Authority.
AOSP — опэнсорсны праект, які развіваецца дзякуючы намаганням старонніх распрацоўшчыкаў, хоць асноўная частка працы ляжыць на плячах Google. Менавіта яна прымае канчатковае рашэнне пра тое, які код уключаць у AOSP і калі выпускаць новую версію платформы. Кампанія распрацоўвае элементы AOSP у закрытым рэжыме, каб «распрацоўшчыкі і OEM-вытворцы маглі выкарыстоўваць адзіную версію» Android.
Для балансу паміж адкрытасцю праекта AOSP і сваёй прадуктавай стратэгіяй Google падтрымлівае дзве галіны распрацоўкі Android: публічную галіну AOSP і ўласную ўнутраную галіну. Публічная галіна даступная ўсім ахвотным, а ўнутраная — толькі кампаніям, якія заключылі ліцэнзійнае пагадненне на выкарыстанне Google Mobile Services. Большасць кампанентаў, у тым ліку асноўны фрэймворк Android, ствараюцца ва ўнутранай галіне. Публічная версія звычайна істотна адстае, і Google даводзіцца траціць час на аб’яднанне патчаў паміж дзвюма версіямі.
З наступнага тыдня ўся распрацоўка Android будзе весціся ва ўнутранай галіне Google. Гэта не азначае, што сістэма стане закрытай: Google працягне публікаваць зыходны код новых версій АС пасля іх выхаду. Таксама кампанія працягне выкладваць зыходны код форка ядра Linux для Android. Аднак зменіцца частата выпуску абнаўленняў зыходнага кода для асобных кампанентаў Android. Чакаецца, што новы падыход спросціць і паскорыць распрацоўку Android, а таксама паменшыць колькасць памылак у кодзе.
На звычайных карыстальніках Android-прылад і распрацоўшчыках аплікацый гэтае змяненне ніяк не адаб’ецца. Аднак для старонніх распрацоўшчыкаў, якія жадаюць рабіць унёсак у развіццё AOSP, без ліцэнзіі GMS удзел у распрацоўцы становіцца больш складаным, бо даступны зыходны код будзе пастаянна адставаць ад актуальнага на тыдні або нават месяцы.
Рэлацыраваліся? Цяпер вы можаце каментаваць без верыфікацыі акаўнта.