Google узмацняе ціск на супрацоўнікаў: ад іх усё часцей патрабуюць выкарыстоўваць ШІ ў працы, і гаворка цяпер не толькі пра інжынераў. Крыніцы Business Insider распавядаюць, што ў апошнія тыдні менеджары пачалі прама казаць супрацоўнікам на нетэхнічных пазіцыях, што выкарыстанне ШІ — ужо не рэкамендацыя, а чаканне. У некаторых выпадках гэта будзе ўлічвацца на гадавых перфоманс-рэвю.
Google узмацняе ціск на супрацоўнікаў: ад іх усё часцей патрабуюць выкарыстоўваць ШІ ў працы, і гаворка цяпер не толькі пра інжынераў. Крыніцы Business Insider распавядаюць, што ў апошнія тыдні менеджары пачалі прама казаць супрацоўнікам на нетэхнічных пазіцыях, што выкарыстанне ШІ — ужо не рэкамендацыя, а чаканне. У некаторых выпадках гэта будзе ўлічвацца на гадавых перфоманс-рэвю.
Гэта новы этап укаранення ШІ «паўсюль». Раней Google ужо ўключыла выкарыстанне ШІ ў абавязкі распрацоўшчыкаў, а кіраўніцтва неаднаразова падкрэслівала, што значная частка кода ў кампаніі ствараецца з дапамогай ШІ. Цяпер тая ж логіка распаўсюджваецца на іншыя ролі — ад продажаў да аналітыкі.
Падыход Google паўтарае агульны трэнд у індустрыі. У Meta ўжо заяўлялі, што ў ацэнках супрацоўнікаў будуць улічваць іх «AI-driven impact» — як яны выкарыстоўваюць ШІ і які ад гэтага выхлап, а ў Microsoft прама кажуць, што праца з ШІ — больш не опцыя. Кіраўнік Google Сундар Пічаі папярэджваў супрацоўнікаў, што яе канкурэнты актыўна ўкараняюць ШІ, і яна павінна рабіць тое ж самае.
Патрабаванні адрозніваюцца ў залежнасці ад ролі. Інжынеры павінны выкарыстоўваць ШІ-інструменты для генерацыі кода і вырашэння тэхнічных задач. Ад супрацоўнікаў без тэхнічнага бэкграунду хочуць, каб яны прымянялі ШІ для падрыхтоўкі стратэгічных дакументаў, аналізу званкоў з кліентамі і аналізу іх паводзін. У некаторых камандах гэта ўжо замацавана ў апісаннях роляў, а ў продажах, напрыклад, супрацоўнікам могуць устанаўліваць нават «нормы» па выкарыстанню ШІ-інструментаў — колькі разоў на тыдзень яны павінны іх прымяняць.
Выкарыстанне ШІ таксама пачынаюць прывязваць да ўзроўню супрацоўніка. Больш дасведчаныя спецыялісты павінны дэманстраваць больш глыбокае разуменне таго, як прымяняць ШІ ў працы. Менеджары атрымліваюць права ўлічваць гэта ў ацэнках — і для тэхнічных, і для нетэхнічных роляў.
Паводле слоў фіндырэктара Анат Ашкеназі, каля 50% кода ў Google ужо пішуць ШІ-агенты, пасля чаго яго правяраюць інжынеры. Гэтая доля расце: раней Пічаі ацэньваў яе ў 30%. Унутры кампаніі супрацоўнікі ў асноўным карыстаюцца з уласнымі інструментамі — напрыклад, чат-ботам Duckie на базе Gemini, які працуе з унутранай дакументацыяй, і сістэмай Goose для дапамогі ў распрацоўцы.
Гэтыя інструменты адаптаваны пад карпаратыўныя задачы і бяспеку — супрацоўнікі могуць працаваць з адчувальнымі дадзенымі, не баючыся ўцечак. У некаторых выпадках выкарыстоўваюцца дапрацаваныя старонніе рашэнні. Напрыклад, у продажах прымяняюць Yoodli — ШІ-аватар, з якім можна «рэпетаваць» размову з кліентам перад рэальным званком.
Рэлацыраваліся? Цяпер вы можаце каментаваць без верыфікацыі акаўнта.