Кампанія прэзентавала абноўленую версію сваёй мадэлі штучнага інтэлекту Gemini 2.5 Pro (I/O Edition), якая паказвае лепшыя вынікі ў напісанні кода і стварэнні інтэрактыўных вэб-аплікацый.
Кампанія прэзентавала абноўленую версію сваёй мадэлі штучнага інтэлекту Gemini 2.5 Pro (I/O Edition), якая паказвае лепшыя вынікі ў напісанні кода і стварэнні інтэрактыўных вэб-аплікацый.
Рэліз адбыўся раней за штогадовую канферэнцыю Google I/O 2025 з-за вялікай цікавасці да мадэлі, гаворыцца ў афіцыйным блогу кампаніі. Google сцвярджае, што абноўленая Gemini 2.5 Pro пераўзыходзіць канкурэнтаў, уключаючы Claude 3.7 Sonnet, і займае першае месца ў карыстальніцкім рэйтынгу WebDev Arena. Таксама мадэль паказала рэкордныя вынікі пры аналізе відэа, набраўшы 84,8% у тэсце VideoMME.
Very excited to share the best coding model we’ve ever built! Today we’re launching Gemini 2.5 Pro Preview 'I/O edition' with massively improved coding capabilities. Ranks no.1 on LMArena in Coding and no.1 on the WebDev Arena Leaderboard.
— Demis Hassabis (@demishassabis) May 6, 2025
It’s especially good at building… pic.twitter.com/9vRaP6RTTo
Gemini 2.5 Pro паказала лепшыя вынікі ў стварэнні вэб-аплікацый, здольных апрацоўваць візуальныя рэферэнсы і кароткія тэкставыя каманды. Напрыклад, мадэль можа генераваць інтэрактыўныя аплікацыі, такія як гульня ў стылі тамагочы, паказаная ў блогу Google.
Абнаўленне таксама палепшыла здольнасці мадэлі да рэдагавання кода і трансфармацыі праграмных рашэнняў. Google адзначае скарачэнне колькасці памылак пры выкліку функцый і павышэнне дакладнасці іх актывацыі, што робіць мадэль больш надзейнай для распрацоўшчыкаў.
Gemini 2.5 Pro даступная для тэставання ў дадатку Gemini у рэжыме Canvas, а таксама праз Gemini API для распрацоўшчыкаў. Кошт выкарыстання API складае $2,5 за 1 мільён уваходных токенаў і $15 за 1 мільён выходных токенаў.
Релоцировались? Теперь вы можете комментировать без верификации аккаунта.