Амерыканскія кампаніі пачынаюць адмаўляцца ад віртуальных сумоўяў праз інтэрнэт, якія сталі нормай падчас і пасля пандэміі. Прычына — з-за штучнага інтэлекту стала занадта шмат чытараў, піша Wall Street Journal.
Амерыканскія кампаніі пачынаюць адмаўляцца ад віртуальных сумоўяў праз інтэрнэт, якія сталі нормай падчас і пасля пандэміі. Прычына — з-за штучнага інтэлекту стала занадта шмат чытараў, піша Wall Street Journal.
Напрыклад, калі тэхсумоўе праходзіць праз Zoom, можна не проста хутка загугліць адказ, а счытаць адказ ШІ-чат-бота. Пры асабістым сумоўі магчымасці звярнуцца за дапамогай збоку няма. Акрамя таго, наймальнік будзе ўпэўнены, што перад ім рэальны чалавек, а не дыпфэйк ці хакер з Паўночнай Карэі, і што працаваць будзе менавіта ён, а не хтосьці іншы, хто прайшоў сумоўе замест яго.
Як паведамляе выданне, да вочных інтэрв’ю ўжо вярнуліся Google, Cisco і кансалтынгавая фірма McKinsey. Паводле ацэнак рэкрутынгавай кампаніі Coda Search/Staffing, запыт на такія сумоўі сярод яе кліентаў вырас з 5% у мінулым годзе да 30% у гэтым.
«Мы збіраемся ўвесці прынамсі адзін раўнд вочных сумоўяў, проста каб праверыць, што ў саіскальнікаў у парадку фундаментальныя навыкі», — адзначаў СЕО Google Сундар Пічаі ў падкасце Лекса Фрыдмана ў чэрвені.
Пры гэтым і кандыдаты, і рэкрутэры ўсё шырэй выкарыстоўваюць ШІ ў працэсе найму. Першыя — каб паліраваць рэзюмэ і пісаць суправаджальныя лісты, другія — каб іх адфільтроўваць і нават для правядзення сумоўяў.
Рэлацыраваліся? Цяпер вы можаце каментаваць без верыфікацыі акаўнта.