Як піша Fortune, сумоўі замест жывых рэкрутараў усё часцей праводзіць ШІ, і людзей гэта настолькі раздражняе, што нават будучы беспрацоўнымі спецыялісты адмаўляюцца ад званкоў з чат-ботамі. Такую практыку яны лічаць прыніжэннем і чырвоным сцягам у карпаратыўнай культуры кампаніі. Але для эйчарскіх каманд, якія скарачаюцца, гэта адзіны спосаб не патануць у тысячах водгукаў.
Як піша Fortune, сумоўі замест жывых рэкрутараў усё часцей праводзіць ШІ, і людзей гэта настолькі раздражняе, што нават будучы беспрацоўнымі спецыялісты адмаўляюцца ад званкоў з чат-ботамі. Такую практыку яны лічаць прыніжэннем і чырвоным сцягам у карпаратыўнай культуры кампаніі. Але для эйчарскіх каманд, якія скарачаюцца, гэта адзіны спосаб не патануць у тысячах водгукаў.
Сярод эйчараў і рэкрутараў таксама ідуць скарачэнні, а тым, хто застаўся, часам прыходзяць тысячы водгукаў на адну вакансію. Працэс аптымізуюць з дапамогай ШІ, у тым ліку для першаснай фільтрацыі кандыдатаў, прызначэння інтэрв’ю і аўтаматызацыі перапіскі. А таксама для правядзення сумоўяў: гэта сапраўднае збаўленне для менеджараў і пекла — для саіскальнікаў, якое становіцца яшчэ адной перашкодай у і без таго складаным пошуку працы.
Досвед ШІ-інтэрв’ю часам аказваецца настолькі няўдалым, што саіскальнікі заракаюцца яшчэ хоць раз у жыцці праз гэта праходзіць. Ну або прынамсі калі на бліжэйшым этапе не падключыцца чалавек — інакш яны лічаць гэта пустым марнаваннем часу. Па іх словах, ад такіх сумоўяў ствараецца адчуванне, што цябе не цэняць, і людзі аддаюць перавагу адмове ад пазіцыі: калі ў кампаніі не могуць знайсці час на нармальнае сумоўе, гэта паказчык культуры і стаўлення да — хай і патэнцыйных — супрацоўнікаў. У сацсетках распаўсюджваюцца пасты пра тое, як боты «галюцынуюць», паўтараюць пытанні і ўвогуле нервуюць.
Эйчары кажуць, што ШІ-боты дапамагаюць ім эканоміць час на першасных сумоўях, каб можна было праводзіць больш глыбокія інтэрв’ю з кандыдатамі, якія іх прайшлі. Fortune адзначае, што нягледзячы на палярнае стаўленне да ШІ-сумоўяў у рэкрутараў і саіскальнікаў, апошнім, здаецца, давядзецца змірыцца з тым, што гэта назаўжды.
«Калі вы хочаце працу, то пойдзеце на гэта. Калі б саіскальнікі масава адмаўляліся ад ШІ-сумоўяў, нашым кліентам не было б карысці ад нашага інструмента», — сказалі ў кампаніі Braintrust, якая спецыялізуецца на ботах-інтэрв’юерах. Там дадалі, што ў такім выпадку інструмент не апраўдваў бы чаканні кліентаў, але па факце ўсё роўна наадварот.
Сітуацыя атрымліваецца забаўная. Абодва бакі выкарыстоўваюць ШІ: рэкрутары — для адсеву і сумоўя кандыдатаў, кандыдаты — для падгонкі рэзюмэ пад вакансіі і веернай рассылкі водгукаў. Кожны з бакоў незадаволены, што супрацьлеглы карыстаецца ШІ, і кожны збіраецца працягваць у тым жа духу.
Рэлацыраваліся? Цяпер вы можаце каментаваць без верыфікацыі акаўнта.