Кампанія расказала, як будзе ўбудоўваць рэкламныя фарматы ў ШІ-адказы пошуку. Цяпер аб’явы будуць з’яўляцца ўнутры дыялогавых адказаў, спісаў рэкамендацый і картак тавараў з тлумачэннямі, згенераванымі Gemini.
Кампанія расказала, як будзе ўбудоўваць рэкламныя фарматы ў ШІ-адказы пошуку. Цяпер аб’явы будуць з’яўляцца ўнутры дыялогавых адказаў, спісаў рэкамендацый і картак тавараў з тлумачэннямі, згенераванымі Gemini.
Новыя рэкламныя фарматы звязаныя з буйнейшым абнаўленнем Search, якое кампанія паказала на I/O: Gemini глыбей інтэгруюць у пошук, а AI Mode павінен лепш разумець доўгія размоўныя запыты і выдаваць больш падрабязныя адказы.
Першы фармат — Conversational Discovery ads, або «дыялогавыя аб’явы для пошуку варыянтаў». У гэтым выпадку рэклама будзе падладжвацца пад канкрэтнае пытанне карыстальніка. Напрыклад, калі чалавек спытае, як зрабіць так, каб дом пах «як дарагі спа-салон або лес пасля дажджу», AI Mode можа паказаць спансаваны прадукт — напрыклад асвяжальнік паветра з апісаннем, чаму ён падыходзіць пад такі запыт.
Другі фармат — Highlighted Answers, гэта значыць «вылучаныя адказы». Гэта спансаваныя рэкамендацыі ўнутры спісаў, якія генеруе AI Mode. Напрыклад, калі карыстальнік шукае дадатак для вывучэння мовы перад паездкай, Google можа ўбудаваць у спіс рэкамендацый рэкламную картку Duolingo або іншага сервісу. Кампанія сцвярджае, што такія аб’явы будуць пазначацца як Sponsored.
Google таксама дадасць AI-рэкламу ў звычайны пошук. Для Shopping ads Gemini будзе аўтаматычна падбіраць рэлевантныя тавары і пісаць тлумачэнне, чаму канкрэтны прадукт можа падысці карыстальніку. Напрыклад, пры пошуку кампактнай капсульнай кававаркі Google зможа паказаць спансаваны тавар і згенераваць апісанне з акцэнтам на сумяшчальнасць капсул, хуткасць нагрэву, памеры і рэжымы прыгатавання.
Яшчэ адзін фармат — Business Agent for Leads. Гэта рэкламная аб’ява са ўбудаваным чат-ботам. Карыстальнік зможа націснуць «Ask a question» або «Chat» і задаць пытанне пра прадукт ці паслугу. Агент будзе адказваць на аснове інфармацыі з сайта кампаніі, а потым зможа прапанаваць пакінуць кантакты або запоўніць форму для сувязі з бізнесам.
Google таксама пашырае Direct Offers — праграму персаналізаваных зніжак і прапановаў. Брэнды змогуць загружаць промаакцыі, купоны, падарункі і абмежаванні, а Gemini будзе збіраць з гэтага найбольш прыдатную прапанову пад канкрэтны запыт. У перспектыве такія оферы з’явяцца і ў планаванні падарожжаў: Google згадвае Booking і Expedia.
Распрацоўшчыкі заяўляюць, што рэклама будзе выразна маркіравацца і не будзе ўплываць на арганічныя вынікі пошуку. Але крытыкі бачаць у гэтым рызыку: чым больш Google ператварае пошук у ШІ-адказы, тым менш карыстальніку трэба пераходзіць на знешнія сайты. А значыць, у кампаніі з’яўляецца больш магчымасцяў утрымліваць карыстальніка ўнутры сваёй экасістэмы — і паказваць рэкламу проста ў згенераваным адказе, рэкамендацыях, пакупках і дыялогах з брэндамі.
Релоцировались? Теперь вы можете комментировать без верификации аккаунта.