Google убудавала вайбкодынгавы сэрвіс у Gemini

Google прадставіла Opal у ліпені. Ён быў даступны толькі ў ЗША праз платформу Google Labs.

Цяпер карыстальнікам Gemini будзе дастаткова проста апісаць задачу на натуральнай мове. Далей Opal пры дапамозе сістэмы ШІ-мадэляў згенеруе невялікую вэб-аплікацыю.

Акрамя гэтага, кампанія палепшыла візуальны рэдактар Opal. У новым рэжыме прагляду ў працэсе стварэння аплікацый тэкставыя запыты будуць ператварацца ў спісы крокаў. Гэта спросціць рэдагаванне логікі будучых аплікацый.