Кампанія прэзентавала абноўленую версію сваёй флагманскай мадэлі — Gemini 3.1 Pro. Распрацоўшчыкі сцвярджаюць, што новая версія лепш спраўляецца са складанымі задачамі і называюць яе мадэллю «для самых цяжкіх выклікаў».
Кампанія прэзентавала абноўленую версію сваёй флагманскай мадэлі — Gemini 3.1 Pro. Распрацоўшчыкі сцвярджаюць, што новая версія лепш спраўляецца са складанымі задачамі і называюць яе мадэллю «для самых цяжкіх выклікаў».
Gemini 3.1 Pro ўжо даступная ў рэжыме preview для распрацоўшчыкаў праз Gemini API у Google AI Studio, Gemini CLI, платформу Antigravity і Android Studio. Карпаратыўныя кліенты атрымаюць мадэль у Vertex AI і Gemini Enterprise, а звычайныя карыстальнікі — у аплікацыі Gemini і NotebookLM (для падпісчыкаў Google AI Pro і Ultra).
Паводле Google, 3.1 Pro — гэта крок наперад у «базавым узроўні разважання» у параўнанні з Gemini 3 Pro, прадстаўленай у лістападзе. Палепшанае «ядро інтэлекту» раней выкарыстоўвалася ў абнаўленні Gemini 3 Deep Think, арыентаваным на задачы ў навуцы, даследаваннях і інжынерыі.
Кампанія прыводзіць шэраг бенчмаркаў у пацвярджэнне прагрэсу. У тэсце ARC-AGI-2, які ацэньвае здольнасць мадэлі вырашаць новыя лагічныя задачы, Gemini 3.1 Pro набрала 77,1% — больш чым удвая вышэй, чым Gemini 3 Pro (31,1%). У тэсце Humanity’s Last Exam, які правярае прасунутыя веды ў вузкаспецыялізаваных галінах, новая мадэль паказала вынік 44,4% супраць 37,5% у папярэдняй версіі і 34,5% у GPT-5.2.
Пры гэтым у карыстальніцкім рэйтынгу Arena (былы LM Arena) Gemini 3.1 Pro пакуль не заняла першае месца. У тэкставых задачах яе апераджае Claude Opus 4.6, а ў кадаванні — Opus 4.6, Opus 4.5 і GPT-5.2 High. У Google адзначаюць, што гэты рэйтынг фарміруецца на аснове карыстальніцкіх перавагаў і не заўсёды адлюстроўвае фактычную дакладнасць адказаў.
Google робіць акцэнт на практычным прымяненні палепшанай функцыі разважання. Сярод дэманстрацый — генерацыя анімаваных SVG-файлаў наўпрост з тэкставага запыту, стварэнне інтэрактыўных 3D-візуалізацый, зборка вэб-інтэрфейсаў і праца з публічнымі API. У адным з прыкладаў мадэль пабудавала дашборд з тэлеметрыяй Міжнароднай касмічнай станцыі, візуалізаваўшы яе арбіту ў рэальным часе.
Для распрацоўшчыкаў цана API не змянілася: $2 за мільён уваходных токенаў і $12 за мільён выходных. Кантэкстнае акно таксама засталося ранейшым — да 1 мільёна ўваходных і 64 тысяч выходных токенаў.
Релоцировались? Теперь вы можете комментировать без верификации аккаунта.