Google выпусціла генератар відэа для стварэння прэзентацый

Vids можа камбінаваць дакументы, слайды, галасавое суправаджэнне і відэазапісы. Сэрвіс даступны ў рамках платформы Workspace Labs. Адміністратары Workspace могуць уключаць гэтую функцыю для карыстальнікаў.

Таксама карыстальнікі могуць пачаць працу над прэзентацыяй уручную, выбраўшы адзін з шаблонаў. У праграме ёсць доступ да бясплатнай бібліятэкі стокавых выяў і відэа.

Vids стварае прэзентацыі з дапамогай АІ-асістэнта Gemini. Памочнік генеруе кантэнт на аснове апісання карыстальніка, з магчымасцю наступнага рэдагавання. Гэтым сэрвіс адрозніваецца ад генератараў відэа, такіх як Sora ад OpenAI.