Google і адукацыйная платформа Khan Academy зрабілі ШІ-інструмент Writing Coach, які дапаможа вучням сярэдніх і старшых класаў, якія адстаюць па чытанні і пісьме, развіваць гэтыя навыкі.
Google і адукацыйная платформа Khan Academy зрабілі ШІ-інструмент Writing Coach, які дапаможа вучням сярэдніх і старшых класаў, якія адстаюць па чытанні і пісьме, развіваць гэтыя навыкі.
Writing Coach не проста генеруе гатовыя тэксты, а дапамагае школьнікам фармуляваць і паліраваць свае думкі. У настаўнікаў ёсць на выбар два рэжымы — поўны інтэрактыў альбо толькі фідбэк ад інструмента. Пакуль ён даступны вучням 7-12 класаў амерыканскіх школ і вучням 5-6 класаў у бэта-версіі. Інструмент падтрымлівае розныя віды сачыненняў, адаптуе зваротную сувязь пад вучняў і дае наглядныя прыклады, каб, абапіраючыся на іх, дзеці маглі пачаць пісаць свае тэксты.
У гэтым годзе Khan Academy таксама плануе запусціць трэнера па чытанні Reading Coach на базе Gemini для 5-12 класаў. Настаўнікі змогуць ствараць кастомныя практыкаванні з рознымі тэкстамі. Gemini будзе дапамагаць разбірацца з імі, задаваць пытанні на праверку разумення прачытанага і даваць настаўнікам аналітыку і рэкамендацыі па асобных вучнях і ўсім класе.
У ЗША, па афіцыйных дадзеных, у 40% чацвертакласнікаў навыкі чытання ніжэй базавага ўзроўню, і гэта горшы паказчык за апошнія два дзесяцігоддзі. У цэлым, сярод усіх дзяцей краіны, гэты навык ацэньваецца як высокі таксама ў 40%.
Релоцировались? Теперь вы можете комментировать без верификации аккаунта.