На штогадовай канферэнцыі I/O кампанія Google паказала аналаг Copilot ад GitHub — АІ-сэрвіс для дапамогі праграмістам пад назвай Codey. Ён умее дапаўняць карыстальніцкі код, генераваць код на запыт на натуральнай мове, а таксама дапамагаць з адладкай, дакументацыяй у вучобе і не толькі.
У аснове Codey ляжыць вялікая моўная мадэль PaLM 2. Інструмент быў навучаны для адказвання на запыты, злучаныя з кодам і сэрвісамі Google Cloud. Codey трэніравалі на вялізным наборы оўпэнсорснага кода і буйной кодавай базы Google. Таксама карыстальнікі змогуць навучаць яго на ўласным кодзе. Ён інтэграваны з экасістэмай сэрвісаў кампаніі і бесперапынна навучаецца на кодзе ейных праектаў.
Мадэль падтрымлівае больш за 20 моў, напрыклад, Go, Java, JavaScript, Python і SQL. Працаваць з сэрвісам можна будзе праз пашырэнні для асяроддзяў Visual Studio Code, JetBrains і Google Shell Editor — альбо ў дыялогавым полі ўсярэдзіне іх, альбо можна будзе напісаць каментар у тэкставым файле, паводле якога прылада згенеруе патрэбны код.
На дадзены момант Codey даступны толькі невялікаму колу тэсціроўшчыкаў. Далейшыя падрабязнасці пра яго кампанія можа раскрыць на мерапрыемстве Google Cloud Next у жніўні.
Рэлацыраваліся? Цяпер вы можаце каментаваць без верыфікацыі акаўнта.