Google заявіла, што стварыла звышмагутны квантавы камп'ютар

Паводле даных The Telegraph, у 2019 годзе Google ужо заяўляла пра стварэнне супермагутнага квантавага камп’ютара магутнасцю 53 кубіты. Ён мог за 200 секунд выканаць алгарытм, на які ў суперкамп’ютара IBM сышло б 10 тысяч гадоў. Тады да дасягненняў, заяўленых кампаніяй, паставіліся скептычна.

Цяпер, сцвярджае Google, новая сістэма ў 241 мільён разоў магутнейшая за папярэднюю і можа за 6,7 секунды вырашыць задачу, на якую суперкамп’ютар Frontier выдаткаваў бы 47 гадоў. Гэтую магутнасць назвалі квантавай перавагай, аднак навукоўцы пакуль не пацвярджаюць выказванне кампаніі.

На думку гендырэктара IBM Арвінда Крышны, для камерцыйнага выкарыстання неабходна распрацаваць квантавыя камп’ютары з колькасцю кубітаў ад 4 да 10 тысяч. Пакуль распрацоўшчыкі праектуюць прылады не большыя за 500 кубітаў.