«Гарызонт» пачаў прадаваць планшэты за мяжой

У лінейцы H-Tab — чатыры мадэлі: базавы H-Tab 1, палепшаны H-Tab 1+, флагманскі H-Tab 1 Pro і H-Tab 1 Shield з узмоцненай канструкцыяй. Базавая мадэль пастаўляецца ў шэрым колеры, палепшаная і флагманская мадэлі ёсць у бэжавым, проціўдарны Shield мае чорны колер.

Планшэты працуюць пад кіраваннем Android 15. Дыяганаль прылад складае 10.95 цаляў, апроч 10.1 цаляў ва ўзмоцненай мадэлі. Ва ўсіх прылад акумулятары на 8 000 мАг, акрамя Shield — у яго на 15 600 мАг. Заяўлена, што батарэя кожнай мадэлі разлічана на 20 гадзін.

Асноўная камера — на 13 Мп у базавай мадэлі, на 48 Мп у палепшанай і флагмана, на 16 Мп — у Shield. Аператыўная і ўбудаваная памяць H-Tab 1 — 6 і 128 ГБ, H-Tab 1+ і Pro — 12 і 256 ГБ. Ва ўсіх экран абнаўляецца з частатой 90 Гц і абаронены загартаваным шклом. Даступны раз’ём для навушнікаў, адзін слот для nano-SIM/micro-SIM, а таксама слот для карты памяці — ва ўсіх, акрамя базавай мадэлі (128 ГБ), гэта 256 ГБ максімум. Планшэты падтрымліваюць NFC.

Цэны пачынаюцца ад 15,7 тысячы RUB (575 BYN) на H-Tab 1. Самы дарагі — Shield — каштуе 33,9 тысячы RUB (1425 BYN). Падрабязней аб старце продажаў можна даведацца на сайце «М.Відэа».