«Гарызонт» адкрые бязлюдны завод па вытворчасці ШІ-комплексаў

«У бліжэйшы час адкрыем некалькі заводаў. Адзін з іх, вядома, прысвечаны лічбавай электроніцы — гэта завод аўтаматызаваны, з вялікай колькасцю робатаў, якія павысяць якасць і адкрыюць новыя магчымасці для спажыўца. Там будзе вырабляцца прадукт — нават не тэлевізар, а станцыя ці комплекс, які будзе валодаць ШІ. У яго будзе ўкаранёна шмат магчымасцяў — з ім можна будзе размаўляць, задаваць пытанні, выконваць праграмы, вынаходніцтвы», — заявіў Прадко.

Ён дадаў, што гэта будзе хатні асістэнт ва ўсіх галінах, напрыклад, у кіраванні кухоннай, хатняй і іншай тэхнікай, і суразмоўца, які зможа адказваць на пытанні. «Ён дазволіць чалавеку адчуць сябе больш камфортна», — адзначыў гендырэктар.

Унікальнасць заводаў, якія плануецца адкрыць, у тым, што яны будуць аўтаматызаванымі. «На першым этапе гэта будзе сумешчаная праца, паколькі там дастатковую колькасць неабходна тэставых, якасных аперацый правесці. Пакуль мы не зможам абысціся чыста робатамі, паколькі электроніка — гэта крыху больш тонкія працэсы, чым аўтамабілебудаванне, дзе ўжо выкарыстоўваюцца на 100% так званыя цёмныя заводы, дзе фактычна бязлюдна і яны працуюць у цемры», — патлумачыў Прадко.

Адкрыццё завода па вытворчасці комплексаў з ШІ павінна адбыцца ў жніўні. Прадко кажа, што ўжо паступілі вялікія заказы на гэты прадукт — на $200+ млн.