«Гарызонт» запускае вытворчасць планшэтаў

«Да канца года плануем выпусціць лінейку планшэтаў. Гэта будуць 10-цалевыя планшэты ў розных колеравых рашэннях — залатыя, срэбныя, графітавыя. Планшэты будуць на базе Android. Пашыраем мадэльны рад — будзем вырабляць планшэты, абароненыя ад знешніх механічных уздзеянняў, яны будуць цікавыя розным спецыялістам», — сказаў Янкоўскі на выставе «ІНАПРОМ» у Екацярынбургу. У кампаніі чакаюць, што тэхніка будзе запатрабавана ў шырокай аўдыторыі любога ўзросту

У гэтым годзе на мерапрыемства «Гарызонт» прывёз прадукцыю пад адзіным мультыбрэндам H. Гэта тэлевізары з рознымі дыяганалямі, камп’ютарная тэхніка, святлодыёдныя экраны. «Прэзентуем і новыя мадэлі ноўтбукаў. Ноўтбукі ў нас выпускаюцца ў розных рашэннях для офіса, забаў і дома. Таксама паказваем аўтаматызаванае працоўнае месца — яно зараз пастаўляецца ва ўстановы аховы здароўя», — дадаў Янкоўскі.

У «Гарызонта» ёсць прадстаўніцтва ў Расіі, праз якое прадукцыя трапляе на паліцы мясцовых магазінаў. Янкоўскі назваў Расію ключавым рынкам для экспарту тэлевізійнай і камп’ютарнай тэхнікі прадпрыемства. «Уся прадукцыя холдынгу прадстаўлена ў гандлёвых сетках Расіі. Калі ў нас з’яўляюцца навінкі, адразу прэзентуем іх і на расійскім рынку», — адзначыў ён.