«Гатовыя да новых подзвігаў». «Леста» распавяла, як справы пасля нацыяналізацыі
«Леста» вырашыла супакоіць усіх, хто перажывае за яе пасля суда з перадачай актываў ва ўласнасць дзяржавы і экстрэмісцкага статусу яе кіраўніка. «З намі ўсё ў парадку!», — напісала кампанія ў кароткім апдэйце ў сваім Telegram-канале.
«Наша каманда працуе ў штатным рэжыме, склад не змяніўся, усе на сваіх месцах, а гульні — у надзейных руках. Мы часова пераходзім пад кіраванне Расмаёмасці. Наступны этап — апеляцыя. Мы хочам абскардзіць рашэнне адносна прызнання Маліка Хатажаева ўдзельнікам экстрэмісцкага аб’яднання і вярнуць яму долі кампаній, якія ўваходзяць у склад ГК „Леста Игры“», — падзялілася кампанія. Пра долі Віктара Кіслага не згадваецца.
Кампанія падзякавала геймерам за падтрымку і давер. Яна дадала, што працуе празрыста, і паабяцала цікавыя абнаўленні.
Суд, на якім было вынесена рашэнне, прайшоў 3 чэрвеня. З 11 чэрвеня «Леста» пад кантролем дзяржавы.
Читать на dev.by