GPT-4 дасягнула ўзроўню вопытных афтальмолагаў. Або амаль дасягнула

У рамках даследавання былі разгледжаныя 87 сцэнароў лячэння пацыентаў. Адказы мадэлі параўноўвалі з ацэнкай няпрофільных дактароў, стажораў і вопытных афтальмолагаў. У выніку эксперыменту АІ перасягнуў маладых дактароў і дасягнуў узроўню вопытных спецыялістаў. Адзнакай даследавання стала тое, што ў ім параўноўваліся здольнасці нейрасеткі і дактароў-практыкаў, а не вынікі дыягностыкі і ацэнкі рызык захворванняў.

Аўтары даследавання адзначылі, што АІ аднолькава добра спраўляўся з пытаннямі як на наяўнасць базавых ведаў, так і на здольнасць разважаць. На прыкладзе афтальмалогіі навукоўцы спрабавалі высветліць, як АІ можна ўкараніць у клінічную практыку і ліквідаваць пры гэтым галюцынацыі — схільнасць мадэляў выдаваць ілжывую інфармацыю.

Адзін з удзельнікаў даследавання Арун Цірунавукарасу адзначыў, што мадэль можна ўдасканаліць, навучыўшы на дадатковых даных, напрыклад, алгарытмах кіравання, запісах гісторый хваробы і падручніках. Тым не менш да практычнага прымянення АІ у працы дактароў, тым больш замены людзей у доктарскім кабінеце гаворка пакуль не вядзецца — мадэль трэба ўдасканаліць.