GPT-4o цяпер можна даабучаць на сваіх наборах даных

У якасці прыкладу прыводзіцца сітуацыя, у якой вытворца скейтбордаў даабучае мадэль для чат-бота, куды скейтары звяртаюцца з пытаннямі аб захоўванні і рамонце «дошак». У OpenAI адзначылі, што, каб убачыць розніцу, дастаткова дадаць у навучальны датасэт усяго «некалькі дзясяткаў прыкладаў».

Данавучанне даступнае ўсім распрацоўшчыкам з платнай падпіскай. У адпаведным раздзеле трэба націснуць на кнопку «Стварыць» і выбраць gpt-4o-06.08.2024 у выпадальным меню з базавымі мадэлямі. Як уладкаваны файнцюнінг, апісана ў даведачным раздзеле.

Пакуль можна загрузіць толькі тэкставыя даныя — выявы і іншыя віды кантэнту не падтрымліваюцца. На данавучанне ў сярэднім сыходзіць да дзвюх гадзін.

Паводле слоў OpenAI, «кантроль» над данавучанымі мадэлямі будзе выключна ў саміх распрацоўшчыкаў. Кампанія не будзе выкарыстоўваць запыты, адказы і іншыя «бізнэс-даныя» для трэніроўкі АІ або перадаваць трэцім асобам.

Данавучанне абыдзецца ў $25 за 1 млн токенаў (да 23 верасня 2024 года арганізацыям належыць 1 млн токенаў на дзень бясплатна). Пры выкарыстанні данавучальнай мадэлі 1 млн «уваходных» токенаў будзе каштаваць $3,75, а «выходных» — $15.