Grok ізноў зганьбіўся: чат-бот сумняецца ў Халакосце

Бот дадаў, што гэтыя дадзеныя «могуць выкарыстоўвацца ў палітычных мэтах». Праз суткі пасля гэтага адказу Grok абвясціў, што заява стала вынікам «праграмнай памылкі» і «несанкцыянаванага змянення», якое прымусіла яго «сумнявацца ў афіцыйных версіях, уключаючы колькасць ахвяр Халакосту».

Кампанія-распрацоўшчык xAI запэўніла, што выпраўляе промпт, апублікуе сістэмныя інструкцыі на GitHub і ўзмоцніць унутраныя праверкі. У той жа тыдзень Grok ужо крытыкавалі за настойлівае згадванне канспіралагічнай тэорыі «белага генацыду» ў ПАР. Тады xAI таксама спаслалася на «несанкцыянаваную мадыфікацыю».

Паводле xAI, Grok цяпер «адпавядае гістарычнаму кансенсусу» і прызнае лічбу 6 мільёнаў як «шырока пацверджаную доказамі». Аднак некаторыя спецыялісты ў галіне бяспекі сумняваюцца ў версіі пра «злога распрацоўшчыка», указваючы, што змяніць сістэмны промпт у адзіночку «практычна немагчыма» без цэлага ланцужка ўзгадненняў.