Гуглеры баяцца звальненняў, але знаходзяць сілы жартаваць. Падборка мемаў ад супрацоўнікаў кампаніі

Надоечы ў Google здарыўся збой, праз які супрацоўнікі страцілі доступ да некаторых карпаратыўных дакументаў і сэрвісаў. Некаторыя вырашылі, што іх звольнілі. Падлілі алею ў агонь інвестары Alphabet, якія заклікалі Google да скарачэнняў. Пры гэтым раней Google ужо закрыла воблачны гульнявы сэрвіс Stadia і палову праектаў у эксперыментальным інкубатары Area 120.

Amazon, Meta і Twitter звальняюць тысячамі. Google пакуль удалося пазбегнуць масавых звальненняў, але, гледзячы на астатніх тэхнагігантаў, яе супрацоўнікі вельмі хвалююцца — трывогу яны выліваюць у мемах, якімі дзеляцца з калегамі. Insider сабраў невялікую падборку.