Робат-гуманоід Boston Dynamics навучыўся танцаваць брэйк-данс і рабіць кола
Чалавекападобны робат ад кампаніі Boston Dynamics працягвае здзіўляць сваімі здольнасцямі. У новым роліку Atlas танцуе брэйк-данс і рабіць кола, а яшчэ ён знайшоў сабе працу на заводзе Hyundai.
Boston Dynamics прадставіла абноўленую версію свайго робата Atlas на электрычнай цязе каля года таму — яна прыйшла на змену ранейшай гідраўлічнай мадэлі. Кампанія рэгулярна публікуе ролікі, якія дэманструюць магчымасці свайго робата. У новым роліку робат выконвае элементы брэйк-данса.
Atlas выконвае рухі, засвоеныя дзякуючы навучанню з падмацаваннем на аснове захопу рухаў чалавека і іх наступнай анімацыі. Робат навучыўся не толькі танцаваць, але і бегчы, поўзаць, рабіць перакульванні і даволі ўпэўнена робіць кола. Раней кампанія ўжо паказвала, як Atlas робіць сальта назад.
Для Atlas знайшлося і практычнае прымяненне. Раней у гэтым месяцы Boston Dynamics паведаміла, што робат уладкаваўся сартавальнікам на канвеерную вытворчасць завода Hyundai па зборцы аўтамабіляў. Там ён выконвае руцінную задачу — раскладае запчасткі ў адпаведныя ячэйкі. Распрацоўшчыкі заявілі, што гатовы забяспечыць сваімі робатамі і іншыя прадпрыемствы.
Эксперты адзначаюць, што, хоць іншыя кампаніі, такія як Tesla, Figure і Sanctuary, больш засяроджваюцца на як мага хутчэйшым укараненні робатаў для выканання практычных задач, Boston Dynamics застаецца лідарам у распрацоўцы плаўнай і натуральнай гуманоіднай мабільнасці.
Читать на dev.by