Хакеры ўкаранілі шкодны код на сайты сусветных брэндаў. Пад пагрозай дадзеныя картак і iPhone
Хакеры выкарысталі іншы сервіс, каб укараніць шкодны код на сайты 178 арганізацый. Праграма спрабавала красці дадзеныя банкаўскіх картак і крыптавалюту, а таксама атакаваць прылады Apple.
Хакеры выкарысталі іншы сервіс, каб укараніць шкодны код на сайты 178 арганізацый. Праграма спрабавала красці дадзеныя банкаўскіх картак і крыптавалюту, а таксама атакаваць прылады Apple.
Як паведамляе Reuters, пад пагрозай апынуліся наведвальнікі сайтаў Zoom, HSBC, Equifax, CNN, Salesforce, IKEA ды іншых буйных кампаній. Шкодны код выявіў даследчык бяспекі Скот Хелме.
Зламыснікі скарысталіся ўразлівасцю ў Optimizely — платформе, якую кампаніі выкарыстоўваюць для тэсціравання і паляпшэння сваіх сайтаў. Ім удалося дадаць шкодны JavaScript у код сервісу, які аўтаматычна загружаўся пры наведванні старонак.
У выніку наведвальнікі папулярных сайтаў маглі сутыкнуцца з некалькімі відамі атак. Шкоднасная праграма прабавала падмяняць адрасы крыптавалютных кашалькоў на адрасы зламыснікаў, перахопліваць дадзеныя банкаўскіх картак пры аплаце, выкрадаць файлы cookie і рабіць здымкі змесціва старонак.
Асобная частка шкоднаснага кода была накіравана супраць iPhone і iPad. Яна вызначала версію аперацыйнай сістэмы прылады і спрабавала запусціць інструменты для эксплуатацыі вядомых уразлівасцяў iOS.
Хакеры ўзломваюць ІТ-кампаніі праз фэйкавыя суразмоўі. Пад ударам DevOps і адміны
Паводле дадзеных Хелме, даследчыкі праверылі 1611 файлаў JavaScript, якія распаўсюджваліся праз Optimizely. У 188 файлах, якія належалі 178 арганізацыям, быў выяўлены шкодны код.
Сам сервіс Optimizely пацвердзіў інцыдэнт. Кампанія паведаміла, што зламыснікі скарысталіся памылкай у працэдуры рэгістрацыі акаўнтаў, каб змяніць код кліенцкіх праектаў. Уразлівасць зліквідавалі, а заражаныя файлы ачысцілі.
Salesforce заявіла, што расследуе несанкцыянаваныя змены і часова адключыла падазроныя скрыпты. Equifax спыніла выкарыстанне Optimizely і паведаміла, што не выявіла прыкметаў узлому ўласных сістэмаў. IKEA таксама пачала праверку магчымых наступстваў для кліентаў.
Даследчыкі пакуль не выявілі, колькі карыстальнікаў сапраўды пацярпела. Невядома, ці ўдалося зламыснікам выкрасці дадзеныя банкаўскіх картак або заразіць прылады Apple. Да канца 16 лістапада даследчыкі паведамілі пра частку ўсіх выяўленых заражаных файлаў Optimizely.
Релоцировались? Теперь вы можете комментировать без верификации аккаунта.