Фаўндар Rozum Robotics прыдумаў гаджат, які не дае пісаць былым пад алкаголем

Ідэя ўзнікла (натуральна) у бары за кухлем піва.

Усе расказвалі смешныя байкі пра сваіх «сяброў» — хто так рабіў і як гэта ўспрымалася раніцай на свежую галаву. І я зразумеў, што ідэя блакаваць некаторыя функцыі тэлефона падпітага чалавека не такая ўжо і вар’яцкая.

Нядаўна Віктара паклікалі ментарам на хакатон Rethinking Hardware 2.0. Ён стаў гутарыць з камандамі — і «загарэўся жаданнем паўдзельнічаць». 

За тыдзень хакатона Віктар зарэгістраваў каманду з аднаго чалавека і сеў разбірацца — з сэнсарамі, мікракантролерамі і іх праграмаваннем. 

— Упершыню за 30 гадоў я ўзяў у рукі паяльнік. Прыдумаў назву, зрабіў лагатып, разгарнуў просценькі вэбсайт, заказаў камплектуючыя, спраектаваў і надрукаваў корпус. Сабраў першы прататып і накідаў прымітыўную iOS-праграму. 

Усе крокі распісваў у сваім фэйсбуку. Было вельмі захапляльна. Людзі чыталі, хтосьці крытыкаваў, падсвятляў слабыя бакі праекта, хтосьці генераваў цікавыя ідэі. Атрымалася такая калектыўная творчасць.

Як гэта ўладкавана

Прылада простая і недарагая. Нават на невялікай партыі (100 штук) яе сабекошт не перавышае 20 долараў.

Складаецца з мікракантролера Nordic nRF52840 (32-bit, ядро ARM Cortex-M4, 64 MHz), газавага сэнсара MiCS5524 (адчувальнасць вызначэння этанолу 10-500 ppm або 0.01-0.5 праміле) і літый-палімернага акумулятара на 220 mAh, які дазволіць працаваць прыладзе некалькі сутак без падзарадкі.

Прылада выкарыстоўвае энергаэфектыўны Bluetooth Low Energy (BLE) пратакол, спецыяльна створаны для Інтэрнэту рэчаў.

Корпус надрукаваны на просценькім 3D прынтары.

Праект Віктара заняў на хакатоне чацвёртае месца (з 16-ці), саступіўшы сартавальніку пластыкавых бутэлек, вызначальніку вагі свінні паводле фатаграфіі і прасейвальніку пяску на пляжы. 

— Але ў планах вечарамі давесці прыладу да паўнавартаснага MVP і пратэсціраваць на ахвотных. 

Ахвотных, удакладняе Хамянок, «вельмі шмат». 

— Учора, напрыклад, адзначалі заканчэнне хакатона нашай hardware-тусоўкай у бары — тым жа самым, дзе нарадзілася ідэя. Раптам падыходзіць дзяўчына і просіць: «Хлопцы, ці не дапаможаце вы вызначыць, хто больш выпіў: я ці мой малады чалавек?» Усе нашыя хлопцы пачынаюць рагатаць. Я дастаю прыбор з кішэні і кажу: «Спадарыня, вы не паверыце».

Такі дэвайс можна выкарыстоўваць і для кантролю колькасці выпітага спіртнога.

Ці ператворыцца пет-праект у прадукт?

Віктар не гатовы адказаць. Але ўпэўнены, што будзе некалькі піватаў. 

— Вобласць прымянення нашэннай электронікі вельмі шырокая, можна памяняць алкагольны сэнсар на які-небудзь іншы. Мікрапрацэсар у прыладзе досыць магутны, каб ганяць на ім Machine Learning. На плаце ёсць акселерометр і мікрафон, сувязь са смартфонам па Bluetooth Low Energy. 

Думаю, тое ці іншае выкарыстанне для прылады дакладна знойдзецца. У працэсе распрацоўкі мне падказалі ідэю зрабіць прыладу ў выглядзе кулона на шыю.

Алка-даведка

У глабальных маштабах 237 мільёнаў мужчын і 46 мільёнаў жанчын пакутуюць на разладдзі, звязаныя з ужываннем алкаголю.

Паводле справаздачы World Health Organization, Беларусь і Літва знаходзяцца на 1-м і 2-м месцах паводле колькасці выпіванага алкаголю (14.4 і 12.9 літраў адпаведна). Для параўнання, ЗША знаходзіцца на 25-м месцы з 8.7 літра.

Крыніца

Вы дачыталі гэты матэрыял да канца. Калі вы тут апынуліся, значыць, хутчэй за ўсё, вас штосьці зачапіла. Выдаткуйце яшчэ 30 секунд, калі ласка.  

Беларускае ІТ нельга ўявіць без dev.by.

Мы ўжо амаль 15 гадоў робім важныя і сумленныя матэрыялы, дапамагаем кожнаму з вас дзяліцца прафесійным досведам і думкамі, робім беларускую версію. Мы радаваліся поспехам індустрыі разам, звярталі ўвагу на несправядлівасць, даем слова кожнаму.

Сёння рэдакцыя dev.by — каманда аддаленых беларусаў з 10 чалавек. Яшчэ ў нас ёсць менеджмент, бэкофіс і, вядома, тэхнічныя спецыялісты. У нас 600+ тысяч чытачоў штомесяц і дзясяткі тысяч у тэлеграм-каналах і сацыяльных сетках. Мы выпускаем 300+ навін і вялікіх тэкстаў, накшталт таго, што вы толькі што чыталі. Усе беларускія медыя цытуюць dev.by.

Ва ўсіх цёмныя часы. І мы ідзем праз ідэальны шторм разам з кам’юніці. Нашыя рэкламныя даходы, якія былі крыніцай фінансавання рэдакцыі, скараціліся ў некалькі разоў.

Пры гэтым мы ўпэўненыя, што тым больш важна працягваць заставацца месцам сустрэчы беларускай ІТ-супольнасці — усіх, хто застаецца і з’язджае.

Вы можаце нам дапамагчы. Пры канцы мінулага года мы запусцілі падпісную кампанію — пачалі збіраць данаты ад чытачоў. Мы хочам у 2023 сабраць 1000 чытачоў-падпісчыкаў. Цяпер іх 170.

Дапамагчы нам можна праз Patreon. 

З Беларусі — праз Donorbox.

І яшчэ крыптой, тут гаманцы.

Цяпер сярэдні чэк — каля 10$, але мы радыя любой суме. Штомесячныя плацяжы робяць нашыя планы больш прадказальнымі, але вы самі глядзіце, як вам зручна :)

Дзякуй, што прачыталі гэтае паведамленне.

Виктор Хаменок: вложил в Rozum Robotics $2 млн, заработал «компенсацию за отпуск»

По теме

Виктор Хаменок: вложил в Rozum Robotics $2 млн, заработал «компенсацию за отпуск»