Huawei прадае ялавічыну, якой з ёю разлічваюцца пакупнікі 5G-абсталявання
Цяпер Huawei абкладзеная жорсткімі заходнімі санкцыямі, якія моцна ўдарылі па замежных продажах яе тэлекамунікацыйнага 5G-абсталявання і магчымасці закупляць перадавыя чыпы ў кампаній накшталт TSMC. Аднак кітайскі тэхнагігант знайшоў спосаб абысці іх для разліку з кліентамі: аплату за абсталяванне яна прымае ялавічынай, піша Wccftech.
Мяса ў продажы ў анлайн-краме Huawei заўважылі кітайскія блогеры. На іх жа думку, выбар такога дзіўнага метаду аплаты цалкам апраўданы для Huawei з эканамічнага пункта гледжання пры продажы 5G-абсталявання ў краіны накшталт Аргенціны. Як адзначае Wccftech, гэты кейс наглядна дэманструе шматпалярнасць свету, які не толькі падзяляецца на лагеры, але і робіць крок назад да бартарнага гандлю.
Экспартныя санкцыі ЗША супраць Huawei вельмі ўскладняюць для яе вядзенне бізнэсу з замежнымі партнёрамі. А ў TSMC лічаць, што праз гэта ёй будзе «немагчыма» нагнаць упушчанае ў паўправадніковай гонцы. Тым не менш нядаўна кампанія выпусціла новы смартфон з фірмовым 7-нм чыпам і ў цэлым умацоўвае пазіцыі на хатнім рынку.
Читать на dev.by